هيثم نبيل لـ”وشوشة”: لا أؤيد دخول ابنتي الفن حاليًا.. والمجال صعب جدًا على البنات

نظمت “وشوشة” لقاءً خاصًا مع المطرب والملحن هيثم نبيل، تحدث خلاله عن العديد من الجوانب المتعلقة بحياته الشخصية، وكشف موقفه من إمكانية دخول ابنته مجال الفن في المستقبل، مؤكدًا أن الأمر لا يزال سابقًا لأوانه.

وقال هيثم نبيل في تصريحات خاصة لـ”وشوشة”: “بصراحة دلوقتي مش هوافق إن بنتي تدخل مجال الفن، لأنها شغلانة صعبة جدًا على البنت، لكن في نفس الوقت مقدرش أقول إني رافض تمامًا أو موافق بشكل كامل.”

وأضاف أن الحكم على الأمر الآن غير منطقي، لأن طبيعة الوسط الفني تتغير باستمرار، موضحًا: “كل فترة المجال بيتغير، يا للأحسن يا للأسوأ، فمقدرش أحدد قرار من دلوقتي، خصوصًا إن بنتي لسه عندها سنتين و8 شهور.”

وأشار إلى أنه لا يمانع في تنمية موهبتها وهي صغيرة إذا أبدت اهتمامًا بالغناء، قائلًا: “لو وهي صغيرة حبت تغني، ممكن أخليها تغني في الأوبرا أو تتعلم بشكل أكاديمي، لكن لما تكبر معرفش شكل المجال هيكون عامل إزاي.”

واختتم هيثم نبيل تصريحاته مؤكدًا أن المستقبل أصبح غير قابل للتوقع، قائلاً: “إحنا منعرفش بعد كام سنة هيبقى في ناس لسه بتسمع غنا ولا لا، عشان كده مقدرش آخد قرار دلوقتي. لكن المؤكد إن المجال صعب جدًا على البنات، وكل الستات اللي نجحوا فيه فعلًا أبطال.”