سينتيا خليفة تكشف أسرار جمالها وموقفها من النقد و"التريندات" على السوشيال ميديا
خلال ندوة خاصة نظمتها مجموعة “وشوشة” الإعلامية لتكريم الفنانة سينتيا خليفة بعد نجاحها اللافت في موسم دراما رمضان 2026، تحدثت سينتيا عن أسرار جمالها الطبيعي وتعاملها مع الشائعات، وموقفها من التعليقات السلبية على مواقع التواصل الاجتماعي، بالإضافة إلى رأيها في الانخراط بالتريندات الرقمية.
سر جمال سينتيا خليفة
كشفت الفنانة خلال الندوة عن الروتين الذي تتبعه للحفاظ على شكلها وصحتها النفسية، موضحة: "أنا بهتم جدًا، ولكن ممكن يعدي عليا فترة مهتمش مش هتشوفيني جميلة، بس برضو مش هظهر ده في حاجات كتير الست ممكن تعمل حاجات زي الرياضة والحركة مهمين جدًا، وإنها تعمل مجهود، ده أولًا بيأثر على الشكل والبشرة والوزن، ولكن مش بقول لازم نخس، لا قصدي إنه بيأثر على حاجات كتير بإيجابية، وكمان الصحة النفسية وبتكوني مرتاحة من جوه، وبيكون فيهم طاقة حلوة جدًا والحركة بترتاح كل حاجة في الجسم”.
وتؤكد هذه التصريحات حرصها على المزج بين الاهتمام بالمظهر والصحة النفسية، معتبرة أن العناية بالنفس تمنح المرأة طاقة إيجابية تؤثر على كل جوانب حياتها.
موقفها من الشائعات والتعليقات السلبية
حول التعليقات السطحية أو الشائعات التي تنتشر عنها على الإنترنت، قالت سينتيا: “مفيش حاجة ضايقتني أوي، بس أنا مبحبش التعليقات اللي زي مين دي؟ أو حد مدخلها التمثيل بكون عايزة أقول لهم ادخلوا على "جوجل"، هتعرفوا إني اجتهدت عشان أوصل للنقطة اللي أنا فيها دلوقتي أي تعليق أشوفه يقل مني مبحبوش خالص، بس مبهتمش إني أرد".
“التريندات” والفنانون الآخرون
وحول اتباع “التريندات” على السوشيال ميديا، أكدت: “لا، معتقدش، عمري ما حطيت نفسي في موقف إني عايزة أعمل فيه كده”.
أما عن متابعتها للفنانين الآخرين، فقالت: “مش بشوفهم لأني مبتابعش كتير، وكل واحد عنده هدفه ورسالته وطريقته في الحياة حتى لو بختلف معاهم”.
وشهدت الندوة حضور الكاتب الصحفي مصطفى متولي رئيس التحرير، والزميلة منار بدر الدين رئيس قسم الفن، وعدد من صحفيي القسم الفني، وذلك تقديرًا لنجاح سينتيا في مسلسلي “وننسى اللي كان” و”فرصة أخيرة”، والذين حصلا على إشادة واسعة من الجمهور والنقاد.