ياسمين عز: "حط صورتك في الفانوس خليها تنور حياتها"

قالت الإعلامية ياسمين عز خلال برنامجها “كلام الناس” المذاع عبر قناة “MBC مصر”، إن الرجال لا يجب أن يبالغوا في شراء الفوانيس التقليدية، مؤكدة أن وجود الزوج نفسه أهم من أي هدية مادية.

ياسمين عز: “هاتلها فانوس شمعة أو بلمبة” 

وأضافت عز: “لما مراتك تقولك هاتلي فانوس زيت، بلاش عشان غالي، هاتلها فانوس شمعة أو بلمبة، وشيل اللمبة وحط صورتك، وشك ينورلها الفانوس وينور حياتها”.

عيد الحب يلتقي برمضان.. فرصة مزدوجة

وتابعت: “خلي بالك عيد الحب داخل خبط لزق في رمضان، فرصة وجتلك ومراتك هتقولك هاتلي فانوس زيت غالي، متجبهوش، هات إزازه زيت واعمل نفسك مسمعتش، أو هات فانوس شمعة أو بلمبة ومتحطش جواه لا شمعة ولا لمبة، حط صورتك”.

وأوضحت أن هذه الهدية الرمزية تجعل الزوجة تشعر بوجود الزوج في حياتها، مضيفة: "لما تفتح الفانوس تلاقي وشك هالل عليها زي هلال رمضان، وأهو منه يبقى فانوس رمضان ومنه برضو هدية الفلانتين".

وفي وقت سابق، وجهت الإعلامية ياسمين عز خلال برنامجها “كلام الناس” على شاشة “MBC مصر” مجموعة من النصائح المهمة للأمهات، مؤكدة أن الصبر والهدوء هما الأساس في التعامل مع الأطفال خلال هذا الموسم المزدحم بالنشاطات الأسرية والروتين اليومي.

وقالت ياسمين عز: “لو أنتي أم جديدة أو قديمة في رمضان، الأمومة هتديكي بريق زي البرق، هالات تحت العين وانعدام النوم، وحواجب منكوشة، هي دي الأمومة، أحلى لمعة في الدنيا”. 

وأضافت أن الأمومة تجربة مليئة بالتحديات، لكنها تمنح المرأة شعورًا لا يقدر بثمن.

التعامل مع المواقف اليومية بهدوء

وأكدت أن الأمهات كثيرًا ما يقعن في فخ القلق الزائد بسبب تصرفات الأطفال اليومية، مثل سقوط العصير أو انسكاب الطعام: “أنتي في الأمومة بيصدر منك أفعال غريبة، ليه راعبة العيال وجوزك؟ ماتزعليش لو ولادك وقعوا العصير على الأرض أو الكنبة”.

وأضافت: “السجادة مش أهم من أطفالك ولا من صحتك النفسية، ليه نعمل حوارات كبيرة عشان العصير اتسكب؟ المج اتكسر والسجادة باظت، ده خير، جوزك عاوزه خيرك وأنتي اللي جايباهم”.