صبري فواز: عملية جراحية مفاجئة غيرت حياتي

تحدث الفنان صبري فواز عن أنه مرّ بفترة صعبة في حياته كانت سببًا مباشرًا في تغيير طريقة تفكيره بشكل جذري.

وخلال السطور التالية، يرصد لكم موقع “وشوشة” أبرز تصريحاته، خلال استضافته في برنامج “ضيفي” مع الإعلامي الكبير معتز الدمرداش، المذاع عبر شاشة “الشرق”.

فترة مرض أجبرته على التوقف

وأوضح الفنان صبري فواز أنه أُصيب بمرض في فترة من حياته، ما اضطره إلى إجراء عملية جراحية، استلزمت التزامه بالراحة التامة وعدم بذل أي مجهود بدني.

وقال: “مفيش مجهود، لازم أقعد وأرتاح، وما أقدرش بقى أنزل ألعب كورة أو أطلع الطاقة اللي عندي دي في أي حاجة خالص، لأني لازم أرتاح”.

من الراحة الإجبارية إلى الجامع

وتابع: “مكانش في حاجة قدامي غير إني أنزل أقعد في الجامع، وشاء القدر إن الجامع يكون فيه مكتبة عامة، مش دينية بس، يعني فيها كتب عن الفن، والتاريخ والسياسة والأدب والدين والعلوم والزراعة، وكل حاجة ممكن تيجي على بال إنسان”.

القراءة المتنفس الوحيد

وأضاف صبري فواز: “أنا مكانش في أي حاجة أقدر أطلع فيها طاقتي غير القراءة، فحرفيًا قريت المكتبة كلها”.

تحول جذري في الشخصية

واختتم الفنان صبري فواز حديثه قائلًا: “أنا وقتها بقيت شخص تاني خالص، حسيت إني اتغيرت، وأفكاري اختلفت”، مشيرًا إلى أن القراءة جعلت منه شخصًا أكثر ثقافة، ومختلفًا في طريقة تفكيره ونظرته للحياة.