خناقة بودي جارد.. كواليس أول مواجهة فنية بين رامي إمام والزعيم

كشف المخرج الكبير رامي إمام عن كواليس أول عمل فني يخرجه لوالده الزعيم عادل إمام.
وخلال السطور التالية، يرصد لكم موقع وشوشة أبرز تصريحاته خلال استضافته في برنامج "فضفضت أوي" مع الإعلامي معتز التوني، المذاع عبر منصة "watch it"

خلاف مسرحية بودي جارد 

قال المخرج رامي إمام إنه أثناء إخراجه لمسرحية "بودي جارد" كانت هذه أول مرة يحدث فيها خلاف بينه وبين والده كمخرج وممثل، موضحًا:"كانت أول مرة بقى بجد نعرف معنى إن في البيت يبقى في اتنين مخرج وممثل مش متوافقين، عايشين في نفس المكان، وكانت خناقة كبيرة جدًا".
 

مسؤولية إخراج عمل للزعيم 

وتابع قائلًا: "أنا كان عليا مسؤولية كبيرة وقتها، لأني كنت عندي 25 سنة، شاب لسه بيبدأ حياته، وبخرج مسرحية للزعيم. دي لوحدها مسؤولية كبيرة، وأنا متوتر، وفي نفس الوقت ما عنديش خبرة كفاية، وعايز أخليه يعمل الحركة اللي أنا عايزها ومقتنع بيها. واتخانقت معاه، ورحت مزعق ورامي الورق، وقتها عينك ما تشوف إلا النور".
واستكمل حديثه قائلاً: "وهو تعصب ودخل البروفة، وبعدين روح على البيت. 
وأنا بقى لما روحت البيت كنت خايف جدًا وقلقان، وفضلت أقرأ قرآن وأنا داخل البيت، وأقول: يا رب ما يبقاش مستنيني، وطبعًا زعق لي جامد، لكن بعد كده رجع واتكلم معايا وقال لي: ما تزعلش، أنا بنصحك. وقال لي إن الحركة اللي أنا طلبت إنه يعملها في الآخر طلعت صح".

الزعيم لا يخجل من الإعتراف بالخطأ 

واختتم المخرج الكبير رامي إمام حديثه مشيرًا إلى أن الزعيم عادل إمام لا يخجل من الاعتراف بأنه قد يكون أخطأ، ودائمًا ما يفكر ويذاكر كل تفصيلة في المشهد، ولا يتجاهل توصيات المخرج، وإذا اكتشف أن المخرج كان على حق، يذهب ويعترف له بذلك.