مي عمر: الإنتقاد دليل نجاح ومعناها أن حد خايف تاخد مكانه

تحدثت الفنانة مي عمر عن الانتقادات التي تواجه الفنانين في بداية ظهورهم، وكيفية التعامل معها، وخلال السطور التالية ينقل لكم موقع "وشوشة" أبرز تصريحاتها، خلال مشاركتها في أحد المؤتمرات ضمن فعاليات الدورة الخامسة من مهرجان البحر الأحمر السينمائي الدولي، ونقله برنامج "وان تيك".

الإنتقادات في البدايات تعني السير على خطى النجاح 

أشارت مي عمر إلى أن انتقادات كثيرة للغاية طالتها بعد دورها الأول في مسلسل الأسطورة. 

وقالت:"مسلسل الأسطورة بعده كان في انتقالات كتير جدًا… وده معناه إنه نجح، معناه إنه مسمع، معناه إن الناس كلها بتتفرج عليه."

"النجاح دايمًا بيجي معاه هجوم ونقد"

ووجهت الفنانة مي عمر رسالة مهمة، مؤكدة أن الفنان كلما قدم أعمالًا غير مهمة لن ينتقده أحد، بينما كلما قدّم أعمالًا مهمة وناجحة سينتقد كثيرًا وسيتم محاربته من كل الجهات.
وأضافت:"طول ما إنت بتقدم أعمال عادية هتبقى ماشي جنب الحيط… الناس هتشكر فيك، ومحدش هيحاربك ولا هينتقدك، إنت أصلًا مش هتبقى فارق مع الناس لأنك مش هتاخد مكانهم ومش هيخافوا من نجاحك."

وتابعت قائلة:"لكن لو إنت بتقدم أعمال حلوة وفعلاً مختلفة… يبقى إنت ظهرت، وعلشان كده بيبقى في انتقادات، وبيبقى في محاربات… لأنهم خايفين على مكانهم وحاسين إنك ممكن تاخد مكانهم وممكن تظهر."

الأهم تطوير الذات لا الالتفات للهجوم

واختتمت الفنانة مي عمر حديثها مشيرة إلى أنها لا تلتفت للانتقادات، وأن الفنان يجب عليه أن يهتم بتطوير ذاته وألا ينشغل بالمحاربات التي يواجهها.
وقالت:"أنا لو كنت بعد الأسطورة التفت للإنتقادات اللي اتوجهت لي… مكنش هيبقى زماني لحد دلوقتي، ولا كان هيبقى زماني هنا."