كاملة أبو ذكري تشيد بموهبة نيللي كريم وتكشف أسرار أولى أعمالهما معًا
أشادت المخرجة الكبيرة كاملة أبو ذكري بالنجمة نيللي كريم، مؤكدة أنها فنانة رائعة وموهبة عظيمة.
وخلال السطور التالية ينقل لكم موقع وشوشة أبرز تصريحات المخرجة كاملة أبو ذكري خلال استضافتها في برنامج "ضيفي" مع الإعلامي الكبير معتز الدمرداش.
بداية الإعجاب… من فيلم “واحد صفر”
قالت أبو ذكري إنها كانت معجبة جدًا بنيللي كريم منذ أول تعاون جمعهما في فيلم "واحد صفر".
محطات تعاون ناجحة بينهما
وأضافت:"ده كان أول تعاون ما بيني وما بين نيللي كريم، وبعده عملنا مع بعض مسلسل بنت اسمها ذات ونجح جدًا وكسر الدنيا، وبعده عملنا سجن النسا وده كمان كان ناجح جداً، وبعده فيلم يوم للستات، وبعدين مسلسل بـ100 وش".
سر محبة أبو ذكري لنيللي كريم
وأوضحت أبو ذكري قائلة:"سر حبي لنيللي كريم إنها من أنضف الشخصيات اللي اتعاملت معاها، ومن أطهر القلوب، وفنانة موهوبة فعلًا وبتحب الفن جدًا.
مش من النوع اللي بيرسم لنفسه شخصية إنه فوق الجميع أو مغرور أو متكبر… خالص، هي فنانة بسيطة جدًا.
وعشان كده الناس كانت متخيلة إن نيللي كريم ما ينفعش يطلع منها أدوار معينة، من كتر ما كانت حد بسيط ومحترم ومؤدب".
كواليس شخصية نيللي كريم في فيلم "واحد صفر"
وفي سياق متصل، كشفت المخرجة كاملة أبو ذكري عن كواليس اختيارها لشخصية نيللي كريم في فيلم "واحد صفر".
وقالت:"من البداية أول ما شفتها قلت لازم أحول البنت الرقيقة… الباليرينا الجميلة… لشخصية ممرضة معقدة ومريضة نفسيًا".
وأضافت:"لما بدأت أتكلم مع نيللي عن الفيلم، كانت بتسمعني… وكنت بقول لها طب ردي عليا عشان ما أحسش إني بجازف.
قوليلي إيه الأخبار؟
فقالت لي: مش هعرف.. لكن أول يوم تصوير… فاجئتني
اتغيرت تمامًا عن نيللي كريم، فعلاً بقت الممرضة الغلبانه اللي ظهرت في فيلم واحد صفر".
إثبات أنها ليست مجرد وجه جميل
وأوضحت أبو ذكري أن هذا التعاون كان المجازفة الأولى التي أثبتت فيها نيللي كريم أنها ليست مجرد وجه جميل.
وتابعت:"بعدها عملنا بنت اسمها ذات اللي كان دور أصعب بكتير من دورها في واحد صفر".
دور "ذات" وشخصية نيللي الحقيقية
واختتمت المخرجة كاملة أبو ذكري حديثها مشيرة إلى أن شخصية ذات تختلف تمامًا عن شخصية نيللي كريم الحقيقية.
وقالت:"دور ذات هي ست مصرية مش مهندمة… مختلفة جدًا عن شخصية نيللي الرقيقة".