عمرو أديب: "الدولة ناوية تشمّع الزمالك؟!.. في حاجة غريبة بتحصل جوّه النادي!"

علق الإعلامي الكبير عمرو أديب على الجدل الدائر داخل القلعة البيضاء، مشيراً إلى تصريحات نجم الزمالك السابق محمود شيكابالا حول ما يحدث داخل النادي في الفترة الأخيرة.
وخلال السطور التالية ينقل لكم موقع "شوشة" أبرز تصريحاته خلال حلقة اليوم من برنامج "الحكاية" المذاع عبر شاشة MBC مصر.

"في حاجة غريبة بتحصل" أديب يشير لأزمة داخل القلعة البيضاء

قال الإعلامي عمرو أديب إن هناك أمراً غير طبيعي يدور داخل نادي الزمالك، تسبب في الجدل الواسع المنتشر عبر مواقع التواصل الاجتماعي خلال الفترة الماضية.
وأوضح قائلاً:"أنا بتكلم رياضياً، مش بتكلم كروياً... في حاجة غريبة بتحصل."

رسالة مباشرة لإدارة الزمالك

وجه أديب رسالة للقلعة البيضاء قائلاً:"هم يعني الأجانب عملوا إيه؟ العب بالشباب، العب باللي موجود، العب بولاد النادي... وظبط دخلك وحياتك على اللي عندك. بس الظاهر كده إن الدولة ناوية تتدخل وتشمع نادي الزمالك!"

لغز أرض الزمالك

وأضاف متعجباً:"يا جماعة... الأرض بتاعة نادي الزمالك دي في حد عايزها؟ ما تعرفونا!
هتبان... كده كده هنعرف الأرض دي مين اللي عايزها. بس السؤال: هتعملوا لنا إيه؟"

وتابع قائلاً:"وماعرفش بقى المنطق الجديد اللي أنا مش فاهمه، اللي بيقول: هنديكم أرض تانية.. طب ما الأولى اهي، بعد م خططنا وابتدينا وحفرنا... وبعدين يرجعوا يقولوا: أصلك اتأخرت.
هو إيه اللي اتأخرت؟! هو أنا قطاع خاص؟! أنا نادي حكومي... وعارفين المصيبة والمشاكل اللي النادي كان فيها."

"هو الزمالك ده هيفضل كده؟"

وعلق عمرو أديب مستنكراً ما يحدث داخل نادي الزمالك قائلاً:
“هو الزمالك ده هيفضل كده؟ كل واحد يلطش فيه شوية!”.

كلمة أخيرة

واختتم الإعلامي عمرو أديب حديثه قائلاً:"أنا صعبان عليا اسم نادي الزمالك... صعبان عليا التاريخ... صعبان عليا الراجل اللي ماسك السهم…حرام نادي الزمالك اسمه كبير."