أحمد فهمي يرد لأول مرة على هنا الزاهد: "ما اعتقدش إنها نسيت"

علق الفنان أحمد فهمي على الكلام الذي صرحت به النجمة هنا الزاهد في بعض مقابلاتها التلفزيونية بعد انفصالهما.

وخلال السطور التالية يمكن لكم موقع وشوشة أو وشاشة أبرز تصريحاته خلال استضافته في برنامج "mirror" مع الإعلامي خالد فرج، والمذاع عبر موقع التواصل الاجتماعي يوتيوب.

"أنا مش بخيل… وبستبعد إنها تقصدني"

قال الفنان أحمد فهمي إنه استبعد نفسه تمامًا من الصفة التي قالتها هنا الزاهد، عندما أعلنت أنها تتمنى في فتى أحلامها ألا يمتلك صفة البخل، وقال:"أنا بستبعد نفسي تمامًا من الموضوع ده… ما حسيتش إنها تقصدني تمامًا، لأني مش شخص بخيل خالص."

موقف من فترة الزواج: سيارتان "رنج روفر" للإختيار

وروى فهمي موقفًا حقيقيًا حدث خلال فترة زواجهما، حيث أحضر للمنزل سيارتين رنج روفر لتختار منهما هنا الزاهد سيارتها الجديدة التي أراد أن يغيرها لها.

وقال:"مش بعمل شو… أنا جبت لها عربيتين رنج روفر لحد البيت.
دي كانت مراتي… وأنا كنت عايز أغير لها عربيتها.. وعلى فكرة ده عادي… لو مقتدر طبيعي تعمل كده. فعشان كده أنا بستبعد تمامًا إنها تقصدني بالكلام ده."

"ما نسيتش… خمس سنين مش حاجة تتشال"

وفي سياق متصل، رد الفنان أحمد فهمي على سؤال الإعلامي خالد فرج حول ما إذا كان قد نسي ذكرياته مع هنا الزاهد، بعد أن صرحت هي في لقاءات تلفزيونية أنها نسيت جميع الذكريات الحلوة والمرة التي جمعتهما.

وقال:"لا… أنا ما نسيتش طبعًا. الإنسان مش هينسى خمس سنين في حياته. وطالما العلاقة دي فشلت وماكانش عندي فيها خبرة كافية… يبقى أكيد اتعلمت منها كتير، وماحدش بينسى حاجة اتعلم منها."

"مش شايف إنها نسيت… سيرتي بييجي في كل لقاء"

واختتم الفنان أحمد فهمي حديثه قائلًا:"أنا طبعًا أفرح لها لو هي نسيت… وأتمنى إن لو ده أحسن ليها إنها تنسى. لكن بالنسبة للي بشوفه في لقاءاتها التلفزيونية… ما اعتقدش خالص خالص إن هنا نسيت، يعني ما فيش لقاء إلا وبييجي سيرتي… سواء بشكل مباشر أو غير مباشر."