سارة جوهر تكشف كواليس اختيار بطلة فيلم "هابي بيرث داي" المرشح للأوسكار

أكدت المخرجة الكبيرة سارة جوهر، مخرجة فيلم، هابي بيرث داي، أنها ظلت فترة طويلة تبحث عن طفلة مثل ضحى التي جسدت شخصية بطلة الفيلم، مشيرة إلى أنها ممثلة موهوبة رغم صغر سنها.

وخلال السطور التالية ينقل لكم موقع وشوشة أبرز تصريحاتها خلال إستضافتها في برنامج “سبوت لايت” المذاع عبر شاشة صدى البلد.

رحلة البحث عن طفلة بموهبة ضحى

وقالت:"أنا عارفة إن أنا مهما كنت مخرجة شاطرة وبفهم في التمثيل، عمري ما هقدر أوصل الفنان لو هو طفل إنه يقدر يفهم كل حاجة حواليه، لأن ده عالم كبير جدًا. 
ولو عايزة أعمل ترند مبني على ده، لازم الطفل يكون فاهم العالم ده أصلًا."

كيف بدأت رحلة البحث؟

أضافت سارة جوهر:"وطفلة زي ضحى عمرها ما هتشوف البوستات اللي على السوشيال ميديا، ولا هتروح مكتب كاستينج.
كان لازم أنا بنفسي أنزل أدور عليها. وبالفعل كونت فريق بنات، وكنا بننزل ندور في الشارع ونراقب كل مكان فيه أطفال. وكمان أي مكان بيدي دروس باليه مثلًا، أي مكان فيه أطفال كنت بروح أدور فيه."

أهمية الاختيار الصحيح

وأوضحت:"أنا لو ما اخترتش صح، مافيش أي حد هيبقى عايز يشوف الفيلم، لأن دي بطلة الفيلم، ولأن 90% من الفيلم هو كاستينج."

إشادة بموهبة ضحى

واختتمت المخرجة سارة جوهر حديثها بالإشادة بالطفلة ضحى، مؤكدة أنها فنانة موهوبة وقادرة على تقديم أداء استثنائي.