سمية الخشاب: افتتاح المتحف المصري الكبير لحظة تاريخية تفخر بها مصر

أعربت الفنانة سمية الخشاب في تصريح خاص لـ وشوشة،  عن سعادتها وفخرها الشديدين مع اقتراب افتتاح المتحف المصري الكبير، مؤكدة أن هذه اللحظة تمثل حدثا تاريخيا يفخر به كل مصري، إذ يعد هذا الصرح من أعظم المشاريع الثقافية والحضارية في تاريخ مصر الحديث.

وقالت الخشاب: “النهاردة بنعيش لحظة تاريخية بكل معنى الكلمة، وافتتاح المتحف المصري الكبير حدث بيأكد إن مصر دائماً في الريادة، مش بس في الفن والثقافة، لكن كمان في الحفاظ على التاريخ والحضارة الإنسانية”.

وأضافت سمية الخشاب أن المتحف المصري الكبير يعد إنجازا ضخما يليق بمكانة مصر وتاريخها العريق، مشيرة إلى أنها تشعر بالفخر والانتماء كلما مرت بجواره، قائلة: “أنا بيتي جنب المتحف، وكل مرة بعدي من قدامه بلاقي نفسي مبتسمة بفخر، لأن اللي العالم كله بيتكلم عنه إحنا اللي عملناه”.

وعن رسالتها للعالم من قلب المتحف، قالت سمية الخشاب: “هقول مبروك لأم الدنيا مصر... دي أجمل حاجة ممكن أقولها من قلبي، مبروك لبلدنا العظيمة اللي ربنا ذكرها في القرآن، ومهما اتكلمنا عن مصر مش هنقدر نوفيها حقها”.

المتحف المصري الكبير... صرح مبهر وإنجاز مصري عظيم

وتابعت حديثها مؤكدة أن المتحف من الداخل مبهر وغير مسبوق في تصميمه وتنظيمه، وسيكون له تأثير كبير في جذب السياحة خلال الفترة المقبلة، قائلة: "أنا متأكدة إنه هيزود عدد السياح اللي هيجوا مصر، لأن كل زاوية فيه بتحكي حكاية حضارة عمرها آلاف السنين."

رسالة سمية الخشاب للعالم من قلب المتحف

واختتمت الفنانة سمية الخشاب حديثها برسالة توعية، مشددة على أهمية دراسة التاريخ المصري وتعريف الأجيال الجديدة بعظمة حضارتهم، مضيفة: "إحنا محتاجين نعرف أكتر عن حضارتنا، ونفهم قيمتها عشان نحافظ عليها، لأن دي ثروتنا الحقيقية."