ابنة فيروز: "أمي كانت قليلة الظهور والناس كانت عايزة تعرف عنها أكتر"
أشارت إيمان جمجوم، ابنة الفنانة الراحلة فيروز، إلى أن والدتها كانت تفضل دائمًا الابتعاد عن الأضواء، سواء في حياتها اليومية أو عبر وسائل الإعلام، موضحة أن قلة ظهورها جعلت الناس يتشوقون لمعرفة تفاصيل حياتها الشخصية، وقالت: "ماما كانت قليلة الظهور جدًا، ودايمًا مكنتش بتحب تتكلم كتير على الشاشة، الناس كانت حابة تسمع عنها كأم، عن حياتها بعيدًا عن الكاميرا".
تكريم مؤثر وواجب مستحق
أعربت إيمان جمجوم، خلال تصريحاتها لبرنامج "Spot Light" المُذاع على قناة “صدى البلد”، عن سعادتها بالمشاركة في ندوة تكريم والدتها ضمن فعاليات الدورة الـ41 من مهرجان الإسكندرية السينمائي لدول البحر المتوسط، وأضافت: "سعيدة جدًا بحضوري النهاردة، ويا رب أكون قدرت أتكلم عنها وأديها جزء بسيط من حقها، ماما كانت فنانة عظيمة وبسيطة في نفس الوقت، والتكريم ده بيفكر الناس بيها وبمشوارها".
أهمية الحضور في الفعاليات الفنية
وأكدت جمجوم على أهمية دعم المهرجانات الفنية المحلية بالحضور والمشاركة، سواء من الفنانين أو الجمهور، قائلة: "أنا بشوف إن المهرجانات دي تستحق تواجدنا، وأي فنان بيتكرم لازم يكون قدم حاجة حقيقية للناس، واللي بيتكرم بيبقى دوره إيجابي وأثره لسه موجود".
ضرورة إحياء الذكرى والاحتفاء بالرواد
واختتمت حديثها مشيدة بدور رئيس المهرجان الأمير أباظة في اختيار الشخصيات التي تستحق التكريم قائلة: "الفنانين محتاجين دايمًا يكون ليهم تواجد في الندوات والفعاليات دي، علشان يحيوا ذكرى زملائهم اللي أثروا في الناس، وميزة الأمير أباظة إنه بيكرم الناس اللي بجد تستحق، وده بيخلي المهرجان مختلف".