مسلم يكشف معاناته فى الطفولة
كشف المطرب مسلم، خلال بث مباشر عبر حسابه الرسمي على إنستجرام، عن محطات مؤثرة من حياته الشخصية، متطرقًا إلى ذكريات طفولته وعلاقته بأسرته، وكيف انعكس ذلك على رحلته الفنية والإنسانية.
وعلق قائلًا: "من وأنا صغير كنت بتعرض للضرب من أهلي، وكنت بسيب البيت وأخرج، واشتغلت من بدري لأني كنت حاسس إني هبقى حاجة مهمة، ووالدتي كانت دايمًا بتوقف جنبي، إخواتي كانوا دايمًا ضدي وواقفين مع أمي، لكن رغم كدة، عمري ما قصرت في مساعدتهم".
وتابع حديثه قائلآ: "والدتي أهم حاجة في حياتي، ومستعد أعمل أي حاجة علشان ترضى عني، وكل اللي وصلت له بفضل دعواتها، لكن للأسف، إخواتي خسروني في حاجات كتير، سواء في شغل الغناء أو المشاريع التانية، وأختي تحديدًا اتكلمت عني بشكل مش كويس".
وأردف: "أنا في كل شغل جديد بخصص جزء لأهلي، بس بطلب منهم يسيبوني أعيش حياتي، زمان كانوا بيسكتوا لما زوجتي السابقة اتعرضت للإهانة احترامًا ليا، لكن يارا (زوجتي السابقة) مقدرتش تسكت لما اتقال عليها كلام مش حلو".
وفي سياق متصل، أعلن المطرب مسلم أمس انفصاله عن زوجته يارا تامر، وذلك من خلال بوست شاركها عبر خاصية “ الإستوري” بحسابه الرسمي على موقع التواصل الاجتماعي “إنستجرام”.
وقال مسلم: "تم الطلاق بيني وبين مراتي ودا بسبب مشاكل اهلي وفضحتني قدام الناس حسبي الله ونعم الوكيل ف اللي كان السبب وخلي بينا مشاكل وكلام زي الزفت ف السمعة والشرف والاعراض وحلم وحدها انها تعيش مبسوطة لا اكتر ولا اقل ومش مسامح اختي ولا امي ولا اخواتي".
وتابع حديثه قائلاً: "كلهم بجد علي كل حاجة وصلوني ليها انا بجد بعد الست دي مفيش ست هتخش حياتي تاني وشكرا اووي علي الظروف".
ومن ناحية أخرى، كشف المطرب مسلم عن تعرضه لوعكة صحية مفاجئة، إذ أصيب بجلطة في ذراعه، قائلاً: “أُصيب ذراعي بجلطة، وكانت ستتسبب في توقفه بالكامل، لكن الحمد لله تمكنت من تدارك الأمر في الوقت المناسب".