تامر حبيب عن تفاعل الجمهور مع “أيوة غلطت”: كان نفسي توصل للناس أكتر
أعرب السيناريست تامر حبيب عن سعادته الكبيرة بتجدد تفاعل الجمهور مع أغنية “أيوة غلطت”، التي كتبها للمطربة أصالة ضمن ألبومها الأخير “ضريبة البعد”.
وقد أعاد تامر حبيب نشر مقطع من الأغنية عبر حسابه الرسمي على “إنستجرام”، وأرفقه بتعليق عبر فيه عن امتنانه لتفاعل المتابعين مع العمل من جديد، حيث قال:" فجأة لقيت ناس كتير قوي بيعملوا شير للأغنية اللي كنت كتبتها من كذا سنة".
وتابع حديثه قائلاً: "ولحنهالي صديقي شديد الموهبة الاستاذ العزيز ايهاب عبد الواحد ووزعها الساحر العذب نادر حمدي وطبعًا شدتها باحلي صوت واعلي احساس كالعادة العظيمة أصالة".
وأضاف: “كم أنا محظوظ عشان اشتغلت مع الناس البديعة دي، بصراحة كان نفسي من زمان قوي ان الناس تسمع الأغنية، يا رب تتبسطوا”.
وتقول كلمات أغنية أيوة غلطت:
ايوه غلطت ومحدش مننا معصوم
راضية وقابلة بكل اللوم
حتى ولو عايز تجلدني
حقك برضو اكيد مفهوم
وانا اللي كنت بقول رافضه ولو تفكير
واني بشوفها غدر وجرح وذنب كبير
يجي اليوم وأقعد قدامك
وانا بستجمع كل القوه
حاسه هموت من اللي هقوله لك
حتى الموت اهون بكتير
طبعًا مش راح تقدر تغفر
ولا يشفع لك كل ماضينا
انا جايه وبقولك خنتك
مش حتسامح صعبه علينا
سيبني ده حقك قول ما بدالك
قول غداره قولي جبانه
اشتم اغلط اجرح
قول مش انسانه
ثانيه من فضلك حاجه اخيره
عايزه اقولها اني كذبت عليك في حكايتي
يعني لا خنتك ولا هعملها
انا حطيتك بس مكاني
لما عرفت اللي انت عملته ومخبيه
شوف بمرايتك مش بمرايتي
واجه نفسك واستحملها
واحكي لي عامل ايه دلوقتي
بعد ما وصلك وجعي واللي انا فيه
يعني لا هغفر ولا راح اسامح
ولا راح اعمل فيها قديسه
وبحبني اكتر ما بحبك