بالطابع الصيفي.. "مكسرات" ثالث أغنيات "بيستهبل" لأحمد سعد
طرح الفنان أحمد سعد أغنية “مكسرات”، ثالث أغنيات ألبومه الجديد “بيستهبل”، عبر قناته الرسمية على “يوتيوب” وجميع منصات الموسيقى، ضمن أغنيات الجزء الأول من الألبوم التي طُرحت اليوم.
وظهر “سعد” في الكليب الجديد بأجواء صيفية خفيفة وإيقاع راقص.
الأغنية من كلمات حازم إكس، وألحان أحمد طارق يحيى وحازم إكس، وتوزيع أحمد طارق يحيى وفلسطيني، وميكس هاني محروس، والكليب من إخراج طه التونسي
*كلمات أغنية مكسرات*
مبدأنا السنة دية.. إننا هنبطل مدادية
واللي واخد عننا صورة وحشة.. هنبعت له عليها فيديو هدية
مبدأنا السنة دية.. إننا هنبطل حنيه
معجبكوش لما استحملنا.. فاخترنا راحتنا النفسية
هو انتو انتو انتو انتو .. عليكو ضغوطات
طب إحنا إحنا إحنا يعني .. علينا مكسرات
هو انتو انتو انتو انتو .. واخدين صدمات
أما إحنا إحنا إحنا يعني.. واخدين خصومات
طب أيوة أيوة أيوة.. إحنا آخر انبساط
طب أيوة أيوة إحنا إحنا.. آخر انبساط
ألف سلامة علينا.. من الطيبة خلاص خفينا
وبقينا مش واقفين علي واحد.. علشان واقفين على رجلينا
ألف سلامة علينا.. فقنا من الوهم صحينا
والله غلطنا اما استحملنا.. وعلى أعصابنا جينا
تفاصيل ألبوم " بيستهبل"
وفي سياق متصل، كشف أحمد سعد تفاصيل ألبومه الجديد، موضحًا أنه مقسّم إلى “وشين”:
- الوش الأول: بيستهبل – أخويا – مكسرات – بطة – تاني
- الوش الثاني: شفتشي – واتك اتك – حبيبي ياه ياه – اتحسدنا – بلونة.