"باب الخلق" يعود من جديد.. ومحمود سعد: بندور على الحكايات اللي تخلينا نكمل
قال الإعلامي محمود سعد إن عودته من خلال برنامج "باب الخلق" تمثل له حالة خاصة، مشيرًا إلى أنه اختار اسم البرنامج لأنه يحمل جزءًا من ذاكرته الشخصية، قائلاً: "سميت البرنامج على اسم الحي اللي اتولدت فيه.. باب الخلق، واللي زمان كانوا بيسموه باب الخرق لأنه كان مكان لبيع بواقي القماش".
وأوضح سعد خلال برنامجه "باب الخلق" المذاع عبر قناة النهار، أن البرنامج لا يسعى لافتعال الإثارة أو الجدل، بل يركز على تقديم محتوى صادق وقريب من الناس، مؤكدًا: "إحنا يهمنا المشاهد ميتضايقش.. بنقدم حاجة مريحة وبنسمع الناس وهما بيشتغلوا وبيتكلموا".
وأشار إلى أن الحكايات اللي بيتم عرضها مش مجرد قصص، لكنها تجارب إنسانية حقيقية قادرة تدي طاقة للمشاهد، قائلاً: "إحنا بندور على الحكايات اللي فيها روح، اللي تخلينا نحب الحياة ونكمل فيها".
واختتم محمود سعد حديثه برسالة واضحة: "مش بنضيع وقت الناس، بنحاول نضيف حاجة بسيطة.. فكرة، معلومة، أو حتى لمسة إنسانية تخلي اليوم أخف".