ممنوع التزوير.. الناقدة آمال عثمان توجه رسالة إلى صناع الأعمال التاريخية

أكدت الناقدة الفنية آمال عثمان أن نجاح الأعمال الدرامية التاريخية يعتمد بشكل أساسي على الدقة في تناول الأحداث، ووجود كاتب درامي يتمتع بثقافة واسعة ووعي عميق بالعصور التاريخية المختلفة.

وقالت في تصريح خاص لـ "وشوشة": "الأحداث لازم تكون مضبوطة، وكاتب الدراما التاريخية لازم يكون من النوعية المثقفة جدًا، اللي درسوا العصور التاريخية بشكل دقيق، خصوصًا لما يكون بيكتب عن حقبة معينة، فلازم يكون دارسها كويس جدًا".

وأشارت "عثمان" إلى أن الدراما التاريخية لا تحتمل التأليف أو التحريف، موضحة: "التاريخ مفيهوش تزوير، الأحداث التاريخية مينفعش تتألف أو تكون وهمية، وعلشان كدة النوع دة من الدراما محتاج كتاب عظام، واللي للأسف موجودين بس مركونين، ومش بيكتبوا رغم إن عندهم قدر كبير من العطاء".

كما شددت على ضرورة التخطيط المبكر لهذه الأعمال، نظرًا لأنها تحتاج إلى وقت طويل في الكتابة والتحضير، قائلةً: "أتمنى إننا نبدأ نفكر في الأعمال التاريخية من السنة للسنة، يعني بعدما رمضان يخلص على طول، نبدأ نحدد إيه العمل التاريخي اللي هنقدمه السنة الجاية، علشان نقدم حاجة قيمة للجمهور المصري والعربي".