"تاجروا بيها عشان يستفيدوا".. مروة صبري تدافع عن بوسي وتكشف حقائق صادمة

أعربت الإعلامية مروة صبري عن دعمها للفنانة بوسي بعد ظهورها في لقاء تلفزيوني مؤثر تحدثت فيه عن معاناتها الشخصية وبكت أثناء الحديث عن الظروف الصعبة التي مرت بها.

وقالت مروة خلال برنامجها "قعدة ستات": "كل اللي حوالين بوسي تاجروا بيها عشان هما يستفيدوا، بوسي اللي كلكوا كنتوا بتتكلموا عليها ولأ دي مساعدتش أبوها ولا طلقيها موقفتش معاه، أنتوا تعرفوا حياتها مرت بإيه؟ تعرفوا أبوها وطليقها عملوا فيها إيه".

أشارت مروة إلى الهجوم الذي تعرضت له بوسي قائلة: "كم من الفنانين طلعوا وهاجموها وقالوا مش أصيلة وموقفتش مع أبوها، ومفيش الكلام ده، أنا أعرفها بشكل شخصي وهي من أنضف الشخصيات اللي ممكن تقابلوها في حياتكم".

فتحت الفنانة بوسي قلبها وتحدثت عن بداياتها الصعبة، واستغلال زوجها الأول، ومعاناتها من انفصال والدها عن والدتها وعدم دعمه المادي لها، وذلك خلال ظهورها في برنامج "عندي سؤال".

وأكدت بوسي أن ما يشاع عنها من ادعاءات هو كذب و أنها تحملت الكثير من الظلم في حياتها.