ساندى تكشف لـ وشوشة تفاصيل إتجاهها للإخراج مع كارمن سليمان ومطربين أخرين

كشفت المطربة ساندى عن كواليس تعاونها في الميني ألبوم الجديد "حبايب قلبي" للمطربة كارمن سليمان قائلة:"أنا اللي عملت  الاستايلنج والـ set design لكل الكليبات والتحضيرات أخدت أسبوع قبل التصوير وكارمن كانت بتسألنى أعمل إيه في الميني ألبوم اقترحت عليها نصوره كله وعملت ده زي ما بعمل شغلي في الحقيقة.

أضافت ساندي في تصريحاتها لـ وشوشة: كارمن سليمان واثقة من نفسها وكانت واثقة فيا وفي اللي حواليها عشان كده قدرت اطلعها بشكل مختلف لأنها كانت مديالى مساحتي وشاطرة جدا".

كما أعربت عن سعادتها بنجاح كليب أغنية "بكائيات"، قائلة:"مبسوطة بنجاحها عشان هي من أقرب الأغاني على قلبى هى و"هنا هنا "،  ومتشوقة جدا لنزول" هنا هنا " لأنها من أكتر الأغاني اللي استمتعت وأنا بشتغل عليها.

وتحدثت ساندي عن أعمالها المقبلة، حيث أوضحت أنها ستتعاون مع مطربين آخرين بعد النجمة كارمن سليمان فى إخراج كليباتهم، ولديها ألبوم ستطرحه في موسم الشتاء بالإضافة إلى أربع كليبات قريبا.