بسبب سارة الطباخ.. محمد الشرنوبي مطلوباً على جوجل

تصدر الفنان محمد الشرنوبي ترند محرك البحث جوجل، وذلك بعد حديثه أمس عن أزمته مع المنتجة سارة الطباخ وتشابها مع أزمة الفنانة شيرين عبد الوهاب بسبب حذف أغانيه من "اليوتيوب".

وقال محمد الشرنوبي، عبر فيديو على حسابه الشخصي بموقع تبادل الصور والفيديوهات إنستجرام، قائلا: أولًا بخصوص موضوع شيرين أنا مش فارق لي أى حاجة غير إني سمعت صوتك، وأن إحنا كجمهورك مستمتعين بصوتك ويا رب المشكلة اللى بينك وبين روتانا تخلص في أسرع وقت عشان نعرف نسمع صوتك بشكل طبيعى، وتأخدي حقك.

وأضاف الشرنوبي: أكتر حد في الفترة دى حاسس بشيرين هو أنا، لأن بقالي 5 سنين في قضايا ومشاكل مع سارة الطباخ في الشركة اللى كنت ماضي معها، ومن سنتين وكام شهر بالظبط طلع حكم بالقضاء بانتهاء عقدي، وطلعت الشركة تقول لأ، وأنا طلعت أقول آه، لحد ما طلع 3 أحكام تاكدت أن العقد انتهى خلاص ومعنديش أي التزامات بأي شكل.

وأنهى حديثه قائلاً: المشكلة اللى بتواجهنا دلوقتي أن الأغاني بتفضل موجودة على كل المنصات، ولكن في صغرة في يوتيوب مش عارفين، نتعامل معاها وهي لما بنزل فيديو على يوتيوب، بيتحجب واليوتيوب بيدي مهلة للي عمل طلب إلغاء الأغنية 6 أيام عشان يرفع قضية ولو رفع قضية بندخل في سنة.