بعد تصريحاتها المثيرة عن تقصير محاميها.. شيرين عبدالوهاب تتصدر ترند جوجل
تصدرت الفنانة شيرين عبد الوهاب ترند محرك البحث جوجل وذلك بعد تصريحاتها الأخيرة مع الإعلامي عمرو أديب عن أزمتها مع شركة روتانا واتهامها لمحاميها ياسر قنطوش بالتقصير وهو الأمر الذي جعله يتنحى عن القضية.
قالت شيرين عبد الوهاب:' "مع كامل احترامي لكل اللي اتكلموا في أزمة روتانا قسمًا بالله العظيم كل كلامهم غلط حتى المحامي بتاعي، علشان ما أوضحش للناس الموضوع، والموضوع بالبلدي لازم الناس كلها تعرفوا".
وتابعت: "روتانا قالت بعد ما أخدنا ونضفنا ولمعنا الشركة واخداني نجمة الوطن العربي بعد ألبوم لازم أعيش اللي عملت فيه أغنية على بالي، شيرين عبد الوهاب لو ما اتعملهاش دعاية توازي حجمها عربيًّا ودوليًّا يعتبر العقد لاغي من نفسه، سلمتهم في كورونا أغنية أنا مش قد الهوى، ما اتعملهاش دعاية بـ 5 جنيه، وبعدها سلمتهم أغنية كلها غيرانة، نجحت جدًّا وما عملوش دعاية بـ 6 جنيه، وكنت بسكت علشان بيقولوا شيرين بتاعت مشاكل"
وأردفت:" واحد كان بيشتغل عندي اسمه كريم كان ماسكلي شغلي فجأة لقينه باع أغنية ليَّ لأنغامي ومشيته من الشغل لأنه شغل إزاي يسلم أغنية لشركة منافسة لروتانا، ومفيش ورقة تتنص على إني مضيت أو موافقة على الأغنية لأنغامي، واتصلت بمدير روتانا في مصر وقلت له ارفع قضية على أنغامي".
وختمت قائلة :' شغلي مش هدية لحد ده رزقي ورزق عيالي، مش كفاية واخدين منى 8 مليون جنيه بالغلط، دي فلوس عيالي يا فندم، وعايزة بلدي تحميني وسكوتي بين لهم إني ضعيفة وأنا مش ضعيفة أنا قرش وعنده سنان حامية جدًّا وبتطلع وقت اللزوم'