بعد إطلالتها الملفتة .. هند عاكف لـ وشوشة:' محبيني كتير ومش ناقصة تريند ولا ظهور عشان اركبه
أثارت الفنانة هند عاكف الجدل عبر مواقع التواصل الاجتماعي بسبب فستان ظهرت به في افتتاح المهرجان القومي للمسرح في دورته الـ 17.
ظهرت هند عاكف بفستان أزرق لديه بطانة نفس لون الجسم مما لفت انتباه الحضور على ريد كاربت المهرجان، واتهمها البعض بتعمدها إثارة الجدل لتصدر الترند.
تواصل موقع وشوشة مع الفنانة هند عاكف لتوضح كواليس ارتدائها لهذا الفستان قائلة: “أنا مش محتاجه للترند عشان أظهر، أنا الحمدلله محبيني كتير ومعجبيني كتير تعالوا شوفو الناس بتقابلني إزاي في كل حته، هو أنا ناقصة ظهور؟، أنا لما ظهرت على تيك توك عشان اتوصل مع الناس لقيت حب كبير من الناس وتفاعل كبير تعالوا شوفوا كل ده”.
وأضافت هند عاكف قائلة : تفتكروا أنا عاملة الفستان ده عشان أطلع ترند؟ أنا مش بركز في الترند ولا بسعى له جه جه مجاش مجاش، الفستان مش مختلف ولا جرىء وفي فنانين بتلبس فساتين بإستايلات مفتوحة ونجوم كبار ومحدش بيقولهم حاجة، وأنا كمان مبحبش ألبس حاجة مفتوحة.
وكشفت عن كواليس اختيارها لهذا الفستان وإطلالاتها بشكل عام في المهرجانات قائلة :' أي إطلالة قبل كده كنت بحضر قبلها بست شهور مع المصمم لكن الفستان ده كلمت المصمم بتاعي قبلها بشهر قولتوا عندي مهرجان وعايزة فستان لطيف شيك وكان نفسي في اللون الاسود لكن أقنعني باللون التاني وبعتلي تلت ألوان، واستقريت على اللون ده، طلبت منه كمان يقفلهولي من فوق عشان مبحبش ألبس مفتوح أوي وعشان محدش يتكلم وبرضو اتكلموا، أنا كنت فاكرة اللي هيعمل جدل هو لون الشعر لقيت أنه الناس لفت نظرها الفستان".