رئيس مجلس الإدارة
محمود إسماعيل
رئيس التحرير
محمد توفيق

محمود حمدان لـ"وشوشة": مسلسل ونس يناقش قضايا تمس المجتمع المصري

محمود حمدان
محمود حمدان

كشف المؤلف محمود حمدان عن تفاصيل مسلسل ونس موضحًا الأسباب التي شجعته على خوض تجربة العمل، والرسائل الاجتماعية التي يسعى إلى تقديمها من خلال أحداثه، مشيرًا إلى أن المسلسل يناقش عددًا من القضايا التي تمس المجتمع المصري في إطار درامي اجتماعي.

وقال محمود حمدان في تصريح خاص لـ"وشوشة": "اللي شجعني على مسلسل ونس إنه عمل ليه قيم ومبادئ معينة عايزين نقولها، وليه رسالة واضحة بنحاول نوصلها من خلال الدراما، وإن شاء الله تلمس المشاهد هو مسلسل اجتماعي، بنشوف فيه عائلة ونس، العيلة اللي هتدخل في قلبها صراعات معينة، وهنشوف هل العائلة دي هتتأثر بالصراعات دي ولا لأ، وإيه اللي ممكن يحصل، لأن فيه صراعات كتير جدًا بتحصل خلال الأحداث".

وأضاف: "اسم المسلسل بيعكس رسالته، وهي فكرة الونس اللي الأسرة المصرية بتبحث عنه دايمًا، ومش هقدر أحرق أكتر من كده، لكن العمل بيناقش أكتر من قضية بتمس المجتمع المصري".

وتابع محمود حمدان: "أنا بميل أكتر للشخصيات اللي فيها صراع معين يقدر المشاهد يتفرج عليه ويتفاعل معاه، لأني دايمًا ببحث عن إني مضيعش وقت المشاهد وأقدم له حاجة تليق بيه، وإن شاء الله نقدم دراما مختلفة تنال إعجاب الجمهور".

تم نسخ الرابط
أعلى الصفحة