أروى جودة تكشف قرارها مع زوجها بعدم الإنجاب.. وتفاجئ الجمهور بتصريح عن فستان زفافها

كشفت الفنانة أروى جودة، أنها اتفقت مع زوجها على عدم الإنجاب، مشيرة إلى أنها خضعت لاستئصال أورام من الرحم قبل 7 أشهر، وهو ما جاء ضمن حديثها عن حياتها الشخصية وقراراتها الأسرية.

وأضافت خلال حوارها في بودكاست «منا وفينا» المذاع عبر شاشة المشهد: «إحنا واخدين قرار إننا مش هنجيب أولاد، زوجي قالي أنه عنده 50 سنة وعقبال ما نجيب ولد ويبقى عنده 10 سنين هو هيبقى عنده 60 سنة، ده ظلم للولد لأن ممكن ميبقاش عندنا طاقة أو نسيبه ونمشي بدري.. ولو ربنا رزقنا بكده مش هنمانع».

أروى جودة: هدفي كان أجد رفيق درب يفهم عيوبي

وعن فكرة الزواج، قالت: «أنا مكانش هدفي إني ألبس الفستان الأبيض، كان هدفي ألاقي رفيق درب ويعرف يتعامل مع عيوبي مش يذلني بيها، ولكن المجتمع بتاعنا مشكلته إنه بيضغط عليكي بعد ما تعدي سن معينة، وبيديكي أفكار منها إن أتجوزي أي حد وجيبي منه طفل وبعدين أتطلقي، فكان أهم بالنسبة ليا إني ألاقي حد أكمل حياتي معاه من إني أجيب طفل وبعدين أدورله على أب تاني، وأنا بشوف إن الست تربي أطفال لوحدها وتشتغل دي بطولة عظيمة».

وفي سياق أخر، كشفت الفنانة أروى جودة، عن جانب إنساني صعب من حياتها، بعدما تحدثت عن معاناة والدها مع مرض ألزهايمر، مؤكدة أن التجربة لم تكن سهلة، لكنها حرصت على التعامل معه بحب ووعي، حتى لا يشعر بصعوبة ما يمر به، فكانت تلجأ إلى أغانيه المفضلة وتستمع إلى حكاياته المتكررة، مهما أعاد روايتها.