جومانا ماهر لـ"وشوشة": أتوقع فوز مصر 2-1 أمام الأرجنتين.. والعبوا مباراة تخلي العالم يقول دي مصر
أعربت الإعلامية جومانا ماهر عن ثقتها الكبيرة في قدرة منتخب مصر على تقديم مباراة قوية أمام منتخب الأرجنتين، متوقعة فوز الفراعنة بنتيجة 2-1، مؤكدة أن كرة القدم لا تعترف بالأسماء أو التاريخ، وإنما بالإصرار والروح القتالية داخل الملعب.
وقالت جومانا ماهر، في تصريحات خاصة لـ"وشوشة": "الكرة عمرها ما اعترفت بالأسماء، اعترفت باللي عنده قلب وإيمان بنفسه، والأرجنتين منتخب كبير وبطل العالم، لكن مفيش منتخب بينزل الملعب ضامن الفوز قبل صافرة النهاية".
ووجهت جومانا ماهر رسالة إلى الكابتن حسام حسن ولاعبي منتخب مصر، قائلة: "انسوا اسم المنافس، والعبوا باسم مصر. العبوا وإنتوا مؤمنين إن التاريخ بيتكتب في 90 دقيقة، وإن الفرصة اللي قدامكم ممكن متتكررش".
وأضافت ماهر: "ادخلوا المباراة بعقل بارد وقلب مليان حماس، احلموا لأن الحلم هو أول خطوة لأي إنجاز كبير، وصدقوا نفسكم، لأنكم لو مصدقتوش إنكم تقدروا، محدش هيصدق".
واختتمت الإعلامية جومانا ماهر تصريحاتها قائلة: "وراكم أكتر من 120 مليون مصري، مش مستنيين معجزة، لكن مستنيين يشوفوا رجالة بتحارب على كل كرة وتقاتل لآخر ثانية.. اعملوا ماتش يخلي العالم كله يقول دي مصر، إحنا مؤمنين بيكم وواثقين إنكم قدها.. العبوا من قلبكم وسيبوا الباقي على ربنا".
