لطيفة لـ"وشوشة": 30 يونيو أعادت لنا الحياة.. ومصر في دمي وروحي وقلبي
وصفت الفنانة لطيفة ذكرى ثورة 30 يونيو بأنها علامة فارقة في تاريخ مصر، مؤكدة أنها بالنسبة لها تساوي الحياة والكرامة والعزة، كما أعربت عن فخرها بما تحقق من إنجازات في مختلف المجالات، مشيرة إلى أنها تعيش في مصر منذ 40 عامًا وتعتبرها وطنها الذي يسكن قلبها وروحها، وأن من أجمل ذكرياتها في تلك الفترة الحفل الذي أحيته على مسرح الجلاء قبل الثورة بشهرين.
وتحدثت لطيفة في تصريح خاص لـ"وشوشة"، قائلة:"30/6 قدامها علامة تساوي حياة، تساوي الكرامة، تساوي العزة، تساوي مصر بعظمتها بتاريخها بشعبها بقيادتها، تساوي المستقبل والحاضر، وتساوي الماضي والحاضر والمستقبل. اللي وصلتله مصر النهارده هو بفضل 30/6".
وتابع لطيفة حديثها قائلة:"والإنجازات اللي بتحصل في مصر دلوقتي اللي كلنا فخورين بيها كمصريين وكمقيمين في مصر. أنا بحس إن مصر هي بلدي، وكلنا فخورين بيها، وكل الإنجازات اللي حصلت في كل النواحي، في الاقتصاد، في التربية، في حياة كريمة، وفي المجتمع، دي حاجة لازم كل المصريين يفتخروا بيها".
وأضافت لطيفة قائلة:"وبقول للمصريين لازم تفتخر بإنك مصري وأنا عايشة في مصر دلوقتي 40 سنة، وفخورة إني عايشة في مصر، ومصر في دمي وروحي وقلبي، وفخورة إن أنا عايشة في مصر في وسط المصريين وقيادة مصر من أعظم القيادات اللي عدت في تاريخ مصر بجد".
وأستكملت لطيفة حديثها قائلة:"ومن أحلى ذكرياتي في 30/6 هي الحفلة اللي عملناها في مسرح الجلاء قدام سيادة الرئيس لما كان لسه وزير دفاع قبل 30/6 بشهرين، وبعدها جات 30/6، هي الأمل، هي الفرحة، هي الحياة، إحنا كلنا كنا هنروح، لكن 30/6 ردت فينا الروح وردت فينا الحياة".
واختتمت لطيفة حديثها قائلة:"ربنا يحمي مصر، ربنا يحمي قيادتها، ربنا يحمي سيادة الرئيس عبد الفتاح السيسي، هذا البطل العظيم اللي خلاهم كلهم يسمعوا كلامه في أمريكا وأوروبا، وكل الناس جات لغاية عنده شرم الشيخ، وكل العالم يحترم مصر بسبب قيادتها وبسبب إرادة شعبها ربنا يحمي مصر ويحافظ عليها ويخليلنا مصر يا رب".
ثورة 30 يونيو.. محطة فارقة في تاريخ مصر
وتُعد ثورة 30 يونيو من أبرز المحطات في التاريخ المصري الحديث، إذ خرج ملايين المصريين في مختلف المحافظات يوم 30 يونيو 2013 للمطالبة بإجراء انتخابات رئاسية مبكرة، قبل أن تعلن القوات المسلحة في 3 يوليو 2013 خارطة طريق تضمنت تعطيل العمل بالدستور بشكل مؤقت، وتعيين رئيس مؤقت للبلاد، تمهيدًا لإجراء انتخابات رئاسية وبرلمانية وصياغة دستور جديد.
احتفال سنوي بذكرى الثورة
وتحرص الدولة المصرية على إحياء ذكرى ثورة 30 يونيو سنويًا من خلال فعاليات ورسائل رسمية تؤكد أهمية المناسبة في التاريخ الوطني، فيما يستعيد عدد من الفنانين والشخصيات العامة ذكرياتهم عنها، معبرين عن رؤيتهم لما مثلته من مرحلة مفصلية في مسار الدولة المصرية، وما أعقبها من تطورات على مختلف المستويات.
