فيفي عبده لـ”وشوشة”: بحب رامز جلال.. لكن بعترض على المقالب الخطر

كشفت الفنانة فيفي عبده موقفها من برامج المقالب التي يقدمها الفنان رامز جلال، مؤكدة أنها لا تحمل أي غضب تجاهه، لكنها تتحفظ على بعض التفاصيل التي تراها خطيرة على الضيوف.

وقالت فيفي عبده في تصريح خاص لـ”وشوشة”: “أنا مش زعلانة من رامز خالص، بالعكس أنا بحبه جدًا، وروحت البرنامج وعملت المقلب، لكن اعتراضي الوحيد على طريقته في الهزار مع الفنان وهو داخل، لأنه بيفاجئنا بحاجات خطر ومش سهلة".

وأضافت: “كان ماسك عقرب بالكماشة ونزله على وشي، ساعتها قلت له: أنت أعظم بني آدم في الدنيا، علشان كده غيرت كلامي، ولا كأن عندي مبدأ أصلاً.”، في إشارة إلى خوفها الشديد أثناء تنفيذ المقلب.

وعن تكرار ظهورها في برامج المقالب، أوضحت: “المرة الوحيدة اللي كنت عارفة فيها إن رامز موجود كانت لما دخل عليا في الحلقة، وقال لي: تأكلي بندق؟ أول ما مديت إيدي حصل انفجار".

وتابعت: “البرامج دي بتموت من الضحك لما تشوفي كواليسها، وأنا استمتعت بالحلقة جدًا، وكمان عملت قبل كده برنامج مع هاني رمزي وكان فيه أسود وتعبان ضخم، وكل ما أشوف نفسي في الحلقة مش بصدق اللي حصل".

واختتمت حديثها قائلة: “أحفادي كل ما يشوفوا حلقة الأسود بيصرخوا ويقولوا: (Close.. Close)، ومش بيحبوا يشوفوها من الخوف".