ولاء الشريف لـ”وشوشة”: سوسن بدر قالتلي «اتعبي دلوقتي علشان ترتاحي بعدين»
تحدثت الفنانة ولاء الشريف عن طموحاتها الفنية وكواليس علاقتها بعدد من النجوم الذين أثروا في مشوارها، مؤكدة أنها لا تزال تنتظر الفرصة السينمائية التي تشبهها وتُظهر إمكانياتها بشكل مختلف.
وفي تصريح خاص لـ”وشوشة” كشفت ولاء الشريف عن أمنيتها بالعودة إلى السينما بشكل أقوى، قائلة: “يمكن السينما مش محظوظة فيها أوي، والحاجات اللي بتتعرض عليا مش شبهي أوي، فمبعملش كتير، لكن أتمنى يجيلي حاجة حلوة”.
وتابعت حديثها عن أكثر الفنانات اللاتي تركن أثرًا في حياتها الفنية، موضحة: “طبعًا أستاذة سوسن بدر من أكتر الناس اللي أثروا فيا، وهي طول الوقت بتنصحني، وأكتر نصيحة قالتها لي: اتعبي دلوقتي علشان تبقي مرتاحة بعدين، وكل ما بفتكر كلامها بتحمس وبحس إني عايزة أعمل أي حاجة دلوقتي لأنه ده وقتي”.
وأضافت: “ومن أكتر الفنانات اللي بحبهم جدًا كمان أستاذة صفاء الطوخي، كانت جميلة جدًا معايا، وكمان حماتي في العمل بحبها أوي”.
وعن شخصيتها بعيدًا عن التمثيل، قالت ولاء الشريف: “يمكن الناس متعرفش مين ولاء الحقيقية لأني مش بظهر كتير ومليش علاقة كبيرة بالسوشيال ميديا، لكن أنا شخصية اجتماعية، رغم إني مؤخرًا بقيت بحب قعدة البيت جدًا، ولو معنديش حاجة هقعد في البيت”.
وأوضحت أنها شديدة الارتباط بعائلتها، قائلة: “بحب صحابي وأهلي جدًا، ولو عندي إجازة أو سفرية هحب أقضيها مع أهلي، عندي ارتباط كبير بيهم وربنا يخليهملّي يا رب”.
وكشفت أيضًا عن بعض اهتماماتها الشخصية بعيدًا عن الفن، مؤكدة: “بحب الخيل جدًا، وبحب التمثيل جدًا، وأيام المعهد كنت بحب الرقص”.
وعن أكثر الأمور التي تثير غضبها، اختتمت حديثها قائلة: “أنا مش بتعصب بسرعة، لكن لما أدي فرص كتير جدًا واللي قدامي يضمني، ساعتها بقلب الترابيزة بلا رجعة، ومش بفهم ليه لازم حد يجيب آخري علشان يفهم إني خلاص”.
