وليد منير: هاني شاكر كان أبويا وأخويا ودعمني في بدايتي

قال الملحن وليد منير، إن الفنان الراحل هاني شاكر كان بالنسبة له بمثابة أخ كبير وأب روحي، لافتا إلى أن علاقته به بدأت منذ ما يقارب 16 عاما.

وأضاف، خلال استضافته في برنامج «الستات ميعرفوش يكدبوا» المذاع عبر شاشة سي بي سي: «أنا اشتغلت معاه أول أعمالي وكان مع المنتج محسن جابر في أغنية اسمها إزاي.. وقتها كنت خايف جدا وأنا بشتغل الأغنية دي».

وتابع: «هاني شاكر لما سمع الأغنية دي سأل عن المحلن بتاعها وأستاذ محسن جابر قاله ده ملحن جديد وسجلنا الأغنية ومن هنا بدأ يحب ألحاني ويثق فيا وخلاني احس إنه أبويا».

وأردف: «وطلب مني بعدها غنوة خير خلق الله وعملتها.. وفي موقف قبل الثورة كده معاه هو أصلا مصري أصيل وبيحب مصر جدا.. وهو متأثر بالأحداث قالنا وإحنا معاه في العربية ادعو لمصر يا ولاد.. وعرضت عليه وقتها نعمل أغنية لمصر اسمها ادعو لمصر وبعتهاله 1 باليل وقالي هسجلها بكرة».

وواصل: «في مره كنا بنسجل أغنية اسمها طمعان في رحمة ربنا وهو بكى بكاء شديد فيها وكلنا بكينا والله معاه وهو كان جواه يقين إنه بوصل الأغاني بجد».

وأكد أنه كان على تواصل مع طوالي الوقت، لافتا إلى أنه كان معه في عدة مواقف إنسانية.