إسلام رفعت يكشف لـ" وشوشة" كواليس “اتغابيت” و”الغاليين”
كشف الملحن إسلام رفعت عن كواليس تعاونه مع الفنان أحمد سعد في أغنيتي “اتغابيت” و“الغاليين”، موضحًا تفاصيل اختيار الأغاني وطريقة تنفيذها، وذلك في تصريح خاص لـ”وشوشة”.
وقال إسلام رفعت: “أغنيه اتغابيت في الحقيقه مكانتش مكتوبه لأحمد مخصوص .. و لا لأي شخص بعينه”.
وأضاف إسلام رفعت : “الكلام جالي الاول و بعد كده لحنته .. يعني ممكن اغلب التوقعات من الناس إني عملت تيمة و بعد كدة كتبت عليها .. بس اللي حصل العكس أنا كتبت الاغنيه و قفلت فكرتها و بعد كده لحنتها”.
وتابع إسلام رفعت : “أكيد لما كان احمد بيسمع مني كنا مركزين علي الأغاني الدراما و أتغابيت كانت من ضمن حاجات تانيه ولكن احمد اختارها هي عشان يضمها للألبوم الحزين”.
وأكمل: “اول ما سمع الأغنية عجبته جدا و طلب يغنيها و يجرب صوته عليا عشان ياخد قرار نهائي لضمها للألبوم”.
وأوضح: “لا محصلش اي تعديل بالعكس احمد كان مهتم يغني بنفس التفاصيل اللي في الديمو بدون تغيير اي شئ”.
أغنية الغاليين
وعن أغنية “الغاليين”، قال: “هي أغنية عزيزة علي قلبي لأني بحب النوع ده من الغنا .. اول ما بعتلي الكلام الشاعر حسام سعيد عجبني جدا و لحنته بالشكل ده”.
وأضاف: “بالعكس احمد كان معجب جدا باللحن بحالته اللي أتقدم بيها و بأسلوب الغنا فيها و ما حصلش تغيير في اللحن .. صوت احمد بيليق جدا في اللون ده و أضاف كتير للأغنية بصوته و احساسة”.
واستكمل حديثه: “في الغالب اول ما بييجي لأي ملحن كلام عن الفراق و الفقد بيتجه فورا ناحية الدراما . و أنا عملت كده بس حاولت اعمل دراما بلمسة شرقية .. و اللي الموزع فهد ترجم اللحن بطريقة عبقرية”.
وأشار إلى اختلاف العملين قائلًا: “اللحنين مختلفين عن بعض تماما لحنيا من حيث القالب الموسيقي و المقام الموسيقي”.
واختتم حديثه عن كواليس التعاون مع أحمد سعد: “كواليس التعاون مع احمد كانت رائعة لان احمد علي المستوي الشخصي أنا بشوفه إنسان جميل و دمه خفيف جدا و وجوده في اي مكان مبهج. و فنيا هو طبعا مش محتاج كلام من اقوي أصوات الوطن العربي و من اهم نجومه حاليا .و اكتر حاجه تسعد اي ملحن ان ألحانه تتغني بأصوات مهمة و قوية .”.
- إسلام رفعت
- أحمد سعد
- أغنية اتغابيت
- أغنية الغاليين
- ألبوم أحمد سعد
- الملحن إسلام رفعت
- كواليس اتغابيت
- كواليس الغاليين
- تصريحات إسلام رفعت
- أغاني أحمد سعد الحزينة
- تعاون أحمد سعد وإسلام رفعت
- حسام سعيد
- الموزع فهد
- ألحان إسلام رفعت
- أغاني درامية
- أخبار أحمد سعد
- جديد أحمد سعد
- أغاني الفراق
- ألبوم أحمد سعد الجديد
- وشوشة
