ميشيل ميلاد: أحمد عز نموذج للنجم الحقيقي وبتعلم منه الالتزام وحب العمل

أشاد الفنان الشاب ميشيل ميلاد بالنجم أحمد عز، مؤكدًا أنه من أكثر الفنانين حرصًا على حفظ النص والالتزام بالمواعيد، من أجل خروج العمل بأفضل صورة للجمهور.

أحمد عز أول الحاضرين دائمًا

وقال ميلاد خلال تصريحاته لإذاعة «نجوم إف إم»: «اشتغلنا قبل كده في مسرحية مع أستاذ أحمد عز، وكان دايمًا أول واحد ييجي حافظ النص وفي ميعاده، ومش هنسى مرة قعد معانا وقال لازم كل الناس تيجي بكرة حافظه، لأنه فعلاً بيهتم جدًا بالعمل».

شخصية النجم الحقيقي

وتابع ميشيل ميلاد: «دي شخصية النجم الحقيقي، مش بس يكون مهتم بنفسه، لكن كمان مهتم بالمشروع وبكل اللي شغالين معاه».

تجربة الإذاعة مع أحمد عز ممتعة وصعبة في نفس الوقت

وأعرب ميشيل ميلاد عن سعادته بالمشاركة في مسلسل إذاعي مع أحمد عز، قائلًا: «تجربة جميلة جدًا، واتعلمت منها كتير، ومكنتش متخيل إن التمثيل الإذاعي ممتع بالشكل ده أو إنك تقدر تعبر بكل إحساسك من خلال الصوت فقط وده شيء صعب لكنه ممتع جدًا».

فيلمان جديدان في عيد الفطر

واختتم حديثه بالكشف عن أعماله المقبلة، مشيرًا إلى أنه سيطرح خلال موسم عيد الفطر فيلمين جديدين هما إيجي بست وبرشامة.