طارق نور: القوة الناعمة المصرية هتقدر تنافس بعمق التأثير

قال المخرج طارق نور رئيس مجلس إدارة الشركة المتحدة للخدمات الإعلامية: “كل سنة وأنتم طبيبن بمناسبة شهر رمضان الكريم، هو شهر تتجلى فيه القوة الناعمة المصرية، أنا الأول عايز أبدأ بشكل الأستاذ خالد عباس رئيس عاصمة المستقبل، العاصمة الإدارية الجديدة، إحنا أول ما بلغناه بفكرة الحفل اللي بيحتفي بالقوة الناعمة المصرية بدار الأوبرا، قدملنا كل الدعم”.

الفن مؤثر في الشعوب والقوانين

وأضاف خلال كلمته الافتتاحية، التي ألقاها عال هامش فعاليات حفل الشركة المتحدة للخدمات الإعلامية لعرض خريطة المسلسلات والبرامج الرمضانية: “القوة الناعمة هي اللي خلت فيلم “أريد حلا” يغير القانون، و"كلمة شرف" تصدر قانون، و"جعلوني مجرما" يلغي قانون، القوة الناعمة هي اللي خلت ترنيمة المومياوات تتحط رنات في مصر بالرغم أن محدش فاهم اللغة الفرعونية وهي اللي أظهرت جمال أصوات برنامج دولة التلاوة اللي حقق أكثر من 2 مليار مشاهد، هي اللي خلت أكبر الأسرار سر شويبس”.

وتابع: “أنا واقف الليلة أمام أغلى ما نملك من صناع الفن، لكن السؤال هنا هو عصر القوة الرقمية هيغلب القوة الناعمة في زمن الإعلام الرقمي خلى الحقيقة بتتقص وتتمنتج، وتحويل إعلام الحقيقة لإعلام هندسة المشاعر، هل هنقدر ننافس، بس القوة الناعمة المصرية هتقدر تنافس لأنها هتبين صدق المشاعر، ودي مسؤولية كبيرة لكن هنقدر عليها بالوعي إننا مش الأعلى صوت، لكن الأعمق تأثيرا”.