لميس الحديدي للحكومة: ننتظر خطة حقيقية لخفض الدين الخارجي

كشفت لميس الحديدي إن المواطنين والاقتصاديين لسه مستنيين الحكومة تعلن عن خطة حقيقية وواضحة لخفض الدين الخارجي لمصر، مشيره إن الملف ده مهم جدًا ولسه من سنين مفيش أي رؤية واضحة ليه.

لميس الحديدي: الدين الخارجي لمصر ارتفع للمرة الثالثة على التوالي 

وأضافت لميس الحديدي، من خلال برنامجها “الصورة” المذاع على قناة “النهار”، مساء اليوم الأحد، إن بيانات البنك الدولي ووزارة التخطيط أظهرت إن الدين الخارجي المصري ارتفع للمرة الثالثة على التوالي في الربع الثالث من 2025، ووصل لـ163.7 مليار دولار مقابل 161.2 مليار دولار بنهاية يونيو الماضي، بمعدل نمو فصلي 1.65% وارتفاع سنوي 5.5% من سبتمبر 2024 لما كان الدين 155 مليار دولار.

مطالب بآليات واضحة من الحكومة

وأكدت لميس الحديدي إن كل الزيادة دي بتطرح تساؤلات عن المسؤول وأين خطة الحكومة لخفض الدين، وقالت إن المطلوب آليات واضحة من رئيس الوزراء لخفض الدين لمستوى غير مسبوق، مش مجرد حسابات على إكسل شيت تخلي الناس تتوه.

متطلبات الدين الخارجي

وشددت لميس الحديدي، على إن الدين الخارجي يشمل الحكومة والموازنة والهيئات الاقتصادية والبنك المركزي، وإن مش لازم يتم نقل الدين من جهة للتانية، لأن مصر دين واحد ولازم يتعاملوا معاه كوحدة واحدة.

وأوضحت لميس الحديدي، إن الاقتراض للمشروعات التنموية مقبول بشرط إن المشاريع تكون منتجة وتدر عائد اقتصادي ملموس، وأكدت على أهمية ترتيب الأولويات لتجنب زيادة الدين من غير مردود، وقالت إن الجميع مستني من رئيس الوزراء الإعلان عن الآليات الحقيقية لخفض الدين.