مسلم يتراجع عن قرار اعتزاله وسفره للخارج.. لهذا السبب

كشف مؤدي المهرجانات مسلم، عن تراجعه حول قرار الاعتزال والسفر إلى الخارج عقب تصاعد أزمته الأخيرة مع نقابة الموسيقين خلال الساعات القليلة الماضية، ذلك بعد احتفاله بانطلاقة أحدث أعماله بأغنية "باشا" على هامش العرض الخاص لفيلم "قصر الباشا".

ونشر مسلم، عبر حسابه الرسمي بموقع التواصل الاجتماعي "فيسبوك"، مقطع من العرض الخاص لفيلم "قصر الباشا"، معلقًا عليها قائلا: " هفضل أعمل في أعمال واشتغل علي نفسي علشان كل الي كان مستني وقعتي متفرحش اووي جيلك قريب”.

تفاصيل قرار مسلم بالسفر للخارج

وكان مسلم، أعرب عبر حسابه على "فيسبوك" مؤخرا، عن استيائه من موقف نقابة الموسيقيين تجاهه بمنعه من الغناء، قائلا: " قررت امشي من البلد وهبيع كل حاجة في الشقة وهتكل على الله لأني مش عارف أمارس شغلي، ولأني مش عارف اشتغل في بلدي، وهبدأ من بكره أشوف حد يشتري حاجتي".

وأضاف مسلم: "مش عاوز أي حاجة تاني، أنا اتعرضت لظلم كبير من منتج ومن ناس ومن أهل ومن نقابة، وبقالي سنة مش عارف أصرف على بيتي وناس معايا في الفرقة فيهم اللي بيغسل كلى وأنا مش قادر أساعدهم ومفيش حاجة في ايدي اعملها وفلوسي قربت تخلص وكسرة الرجال صعبة".

وأشار مسلم، إلى حزنه من قرار النقابة، قائلا: "مفيش أمل والعيب مش في المحكمة ولا في بلدي العيب في الناس اللي بتقدر تمشي كل حاجة بدماغها وبالواسطة وترشي الناس، فانا قررت أمارس مهنتي بره طالما مش قادر أحقق حلمي في بلدي".

وتابع: "اللي كان بيتمنى اني أتدمر انبسط أنا اتدمرت بما فيه الكفاية، وأنا كده كده كنت عارف اني هتحارب لحد آخر يوم في عمري، وفي ناس أقوى من أي حد بيدوسوا على غيرهم، ويقعدوهم في بيوتهم ويجيبولهم أمراض".

تفاصيل أزمة مسلم مع نقابة الموسيقيين

وفي وقت سابق، قال مسلم، في تصريحات خاصة لـ"وشوشة": "أنا حليت مشاكلي مع كل المنتجين، وأزمة المنتج سلطان الشن ده في بينا محكمة وقضاء مينفعش أنك تحاسبني عليه لأنه لسه المحكمة لم تصدر حكمها، مينفعش اتحاسب عليه".

وأضاف مسلم: "كمان في قانون للنقابة، أن العقد اللي يتم بين الفنان والمنتج خارج النقابة مش بتحاسب عليه، والمكان ده بيتي، غير كدا أنا مخلص كل مشاكلي مع المنتجين، وتم طردنا من النقابة لما روحت أنا وفرقتي وعاوزين نحل المشكلة، قالولنا انزلنا لقينا الشرطة، ومش هسكت عن حقي".

التفاصيل الكاملة لأزمة مسلم والموسيقيين

بدأت الأزمة بينهما من جديد، بعدما قرر مسلم اصطحاب فرقته الموسيقية إلى مقر النقابة للاحتجاج، ذلك لوقفه عن العمل والحفلات لأكثر من عام بناء على قرار من الفنان مصطفى كامل.

وعلى الجانب الأخر، تستدعي النقابة الشرطة إلى مسلم وفرقته، ذلك بعدما أعلن عن قراره بالاحتجاج أمام مقر النقابة، ليثير حالة من الجدل بطرده عبر منصات التواصل الاجتماعي.