غادة عادل: بفكر أتجوز تاني.. ولكن!
تحدثت الفنانة غادة عادل عن تفاصيل حياتها الأسرية والشخصية، كاشفة عن علاقتها بأبنائها، ورؤيتها للحب والزواج في هذه المرحلة من حياتها.
دموع في مهرجان الغردقة
غادة روت خلال استضافتها عبر برنامج “الصورة” المذاع عبر قناة النهار، لحظة بكائها في مهرجان الغردقة لسينما الشباب، عندما ظهرت على السجادة الحمراء برفقة نجلها عبد الله.
وعلقت قائلة: "عبد الله هو الابن الأوسط، وكنت فخورة وأنا شايفاه جنب اللحظة دي كانت مؤثرة جدًا بالنسبالي، يمكن علشان شفت قد إيه كبروا وبقينا أصحاب أكتر من إننا مجرد أم وأولاد."
وأضافت أن علاقتها بأبنائها تقوم على الصداقة قبل أي شيء: "أنا في البيت مش بس أم، أنا كمان صديقتهم وأختهم، وده مريحنا كلنا، لأنهم بيحكولي على كل حاجة من غير خوف أو تردد."
"أنا مش أم مسيطرة.. إحنا فريق واحد في البيت"
وحين سألتها لميس الحديدي ما إذا كانت "أمًا مسيطرة"، ردت غادة:"لا طبعًا، أنا مش من النوع اللي بيحكم أو يفرض رأيه، أنا بحب كل واحد فيهم يعيش شخصيته بحرية. إحنا فريق واحد في البيت، مفيش أوامر ولا قيود، بس في احترام متبادل."
وعندما سألتها لميس: "فيه حد من أولادك ناوي يتجوز قريب؟"، قالت: "محدش فيهم بيفكر في الجواز خالص! همّ خايفين يتجوزوا فأنا اللي ممكن أتجوز!"، لترد لميس: "وفيها إيه يعني؟"، فأجابت غادة: "هو علشان كده عملت فيلم فيها إيه يعني؟، يمكن يكون تمهيد ليهم!".
"قلبي ممكن يدق تاني.. لو لقيت الإنسان الصح"
وعندما سألتها لميس الحديدي عن إمكانية أن "يدق قلبها من جديد"، فأجابت: "طول ما القلب بينبض، يبقى ممكن يحب تاني الحب مش مرتبط بسن ولا بتجارب، طالما في إحساس صادق ممكن يبدأ من أول وجديد."
وعن الرجل الذي قد يستحق قلبها، قالت غادة: "أي إنسان كويس، قلبه نظيف، عنده رحمة وعطاء، أكيد هحبه. أنا بحب الناس الطيبين اللي مفيش جواهم مصالح ولا خبث. الحب بالنسبة لي بيبدأ من نقاء القلب."