تامر حسني لجمهوره: أحلامكم اللي شايفينها مستحيلة هتتحقق بالثقة في النفس
نشر الفنان تامر حسني مقطع فيديو، وقد عبر عن حبه لجمهوره، ووجه لهم نصيحة في سطور موجزة.
وشارك تامر حسني جمهوره هذا الفيديو من خلال حسابه على موقع "الإنستجرام"، وكتب عليها قائلاً: "قد إيه ده فيديو عظيم، كلنا بنفكر ناخد خطوة للأمام أو خطوة جديدة للنجاح، مش بنبقى عارفين هننجح ولا لأ، بس بنحسبها صح، وبنحضرلها صح مع الناس الصح".
وأضاف أيضًا تامر حسني قائلاً: "في التوقيت الصح هيبقى فاضل أهم حاجة وهى، إيمانك بالخطوة وحبك وشغفك الخارق ليها، طبعًا المشي على الهوا هنا معناه مش المشي على الهوا نفسه، عشان دا طبعًا مش صح، حتى لو ماسكك حد، بس المقصود بيه إن في عندك أحلام من وجهة نظرك مستحيلة، وهى هتتحقق عادي لو وثقت في نفسك وبدأت".
واستكمل تامر حسني رسالته قائلاً: "والأهم إن في ناس كتير تفكيرها في الماضي بيعطلها على طول بتبص وراها، وآديكو شوفتو لما الولد بص وراه وقع".
وأردف: "الماضي عدى خلاص الماضي مش بتاعنا، محدش يقدر يمشي لقدام وهو باصص وراه، لازم يقع أو يخبط في حاجة تعطله، ركز في الحاضر عشان ده بس اللي ملكك، وهو ده الوقت اللي لو حبيته هيحبك ويقف معاك ويساعدك تجري بأسرع ما يمكن".
واختتم تامر حسني تعليقه بنصيحة يوجهها لجمهوره، حيث قال: "حب حاضرك رغم أي مشاكل فيه، وأتحدى صعوباته هو ده صراعك الحقيقي، يلا خد حالاً قرار ينجحك، محدش هينفعك غير مجهودك وسعيك ومتبصش وراااااااك أرجوك، نهاركم كله جميل".
الجدير بالذكر أن تامر حسني أحيا حفلاً غنائيًا مع المطرب السوري الشامي، في مراسي، حيث قدم باقة من أغانيه الجديدة والقديمة التي تفاعل معها الجمهور.
وطرح تامر حسني مؤخرًا فيديو كليب لأغنية جديدة له تحمل عنوان "حفلة تخرج من حياتي"، من كلمات ملاك عادل، ألحان مدين، توزيع وميكس ماستر توما.