محمد ثروت: التكنولوجيا وفّرت لنا حاجات كتير بس خدت مننا الإحساس.. وChatGPT مصيبة!
عبّر الفنان محمد ثروت عن قلقه من تأثير التكنولوجيا على العلاقات الإنسانية، وقال إن السوشيال ميديا ورغم كل مميزاتها، خدت من الناس مشاعرهم الحقيقية.
وأوضح خلال استضافته عبر برنامج "أسرار النجوم" المذاع عبر إذاعة نجوم أف إم: "دلوقتي لما بحب أعيّد على حد، ببعت له رسالة وخلاص، لكن زمان كنت بكلمه بنفسي أو أروح له بقينا قاعدين مع بعض وكل واحد ماسك تليفونه، ومحدش بقى عارف حاجة عن التاني حتى أنا بقيت مش طايق أمسك الموبايل زي الأول".
وعن الذكاء الاصطناعي، علّق : "ChatGPT مصيبة سودا! التكنولوجيا بقت تتحكم في كل حاجة، والناس بدأت تعتمد عليها بشكل مخيف.. بقينا نعتمد على الحاجات الجاهزة، وده بيخلينا ننسى نعيش ونتكلم ونحس ببعض".
أما عن كواليس فيلم ريستارت، فقال ثروت إنه استمتع جدًا بالتصوير، وحكى عن المقالب اللطيفة من تامر حسني، وأجواء المرح مع باسم سمرة، وخفة دم الفنانة هنا الزاهد، مؤكدًا إن التجربة كانت ممتعة جدًا بالنسباله.