أدهم الشرقاوي يوجه رسالة مؤثرة: “مصر ادتني كتير أوي.. وشكرًا لكل الناس”
وجه الفنان الشاب أدهم الشرقاوي رسالة شكر مؤثرة لجمهوره ومتابعيه، وذلك عبر حسابه الرسمي على موقع إنستجرام، مؤكدًا اعتزازه بتجربته الفنية في مصر، وتقديره الكبير للدعم الذي تلقاه من الجمهور والصحافة خلال مسيرته القصيرة.
وقال الشرقاوي في منشوره:“شكرًا لكل الناس اللي تواصلوا معايا، وشكرًا للصحافة، والناس، ولكل اللي أونلاين. مصر إدّتني كتير أوي، وبابا دايمًا كان بيقولي إن مفيش زي مصر، وأنا فعلاً اشتغلت فيها مع أفضل المخرجين والممثلين، وحسّيت إن الناس رحبوا بيا بجد، كأني ما سبتهاش أبدًا".
وتطرق أدهم الشرقاوي إلى الحديث عن نشأته في أمريكا وتأثيرها على هويته الفنية، مؤكدًا:“رغم إن لغتي العربية مش أحسن حاجة، ورغم إني مش فاهم الثقافة كويس، لكن المصريين دايمًا دعّموني وقبلوني وده شيء عمري ما هنساه".
وفي سياق متصل، كشف الشرقاوي عن سبب ابتعاده مؤخرًا عن الساحة الفنية بعد مشاركته في فيلم “شماريخ” عام 2023، موضحًا أنه مر بأزمة صحية صعبة استدعت التوقف وإعادة ترتيب حياته.
وأوضح:“من سنتين كنت تعبان جدًا، وزني وصل لـ110 كيلو، وكان عندي مشاكل تنفسية وضباب في الدماغ، وآلام مفاصل، وكمان جلطات في رجلي، وجسمي كان منتفخ بسبب مشاكل في الكلى كنت محتاج بريك عشان أرجع أقوى".
واختتم الشرقاوي رسالته بكلمات محبة وامتنان: “أنا مختفي، بس دايمًا حاسس بحبكم.. شكراً يا مصر”.