حمادة هلال: كنت متوقع الهجوم على "المداح".. والفكرة كانت حلمي
صرّح الفنان حمادة هلال بأن فكرة مسلسل "المداح" كانت حلمًا يراوده منذ سنوات، مؤكدًا أنه كان يطرحها بين الحين والآخر، لكنه كان يقابل بالرفض في البداية.
وقال حمادة هلال خلال حديثه في برنامج "سهرة خاصة" المذاع على قناة النهار: "أنا طول الوقت كان نفسي أعمل مسلسل (المداح)، وعملت قبل كده (العهد) و(طاقة القدر)، وبرضه كانت الفكرة عندي، وكنت كل شوية أعرضها، بس ردود الأفعال كانت كلها رفض، وكان عندهم حق، ولو كنت مكانهم كنت أكيد هفكر بنفس الطريقة".
وأضاف: "أنا كنت عايز أخرج برا الصندوق.. لأن الأفكار رزق، وده رزقي اللي جالي، رغم أني وقتها كنت بصور مسلسل تاني تمامًا مع الأستاذ أحمد سمير، لكن مكنش فيه نصيب".
وتابع حمادة هلال حديثه قائلاً: "قعدنا نفكر نعمل إيه، وكان فاضل على رمضان ٣ شهور بس، ووقتها درسنا السوق كويس، ومكانش فيه حاجة شبه (المداح)، وكنت متوقع هجوم كبير عليا بسبب الفكرة، لكن كنت مؤمن بيها".