طارق الشناوي: شيرين أخطأت.. والنقابة بتدعم الغلط والجمهور اتخدع!
علّق الناقد الفني طارق الشناوي على أزمة الفنانة شيرين عبد الوهاب الأخيرة، مؤكدًا أن الاعتراف بالخطأ هو بداية التصحيح، وأن الحب الحقيقي للفنان لا يعني تبرير الزلات أو التستر عليها، بل توجيهه إلى الصواب بكل صراحة وشفافية.
وقال الشناوي، خلال حواره في برنامج “المشهد تاغ” المذاع على قناة المشهد:
“أنا من رأيي إن اللي بيحب شيرين لازم يقولها: إنتِ غلطتي. عليها أن تعتذر لجمهورها، وده مش تقليل منها، بالعكس ده بيزيد من احترام الناس ليها. وهي تقريبًا أدركت ده وهي على المسرح، لما الجمهور بدأ ينسحب، وبعد ما غنت كام أغنية بلاي باك، قررت تغني لايف كمحاولة لتدارك الموقف.
وأضاف: “ماينفعش أدافع عن خطأ لمجرد إني بحب شيرين. الفنان لما يغلط لازم يتحاسب، أو على الأقل يعترف، مش يتسكت عليه.”
وتابع طارق الشناوي حديثه قائلًا:
“أنا مستغرب جدًا من تصريح نقابة المهن الموسيقية بأنها ستدعمها، لأن ده – في رأيي – دعم في غير موضعه. دور النقابة مش محاباة الفنان لمجرد اسمه، لكن الحفاظ على قيمة الفن واحترام الجمهور.”
واستكمل:
“الفنان لازم يكون قد المسؤولية والاتفاق اللي بينه وبين جمهوره. التذكرة اللي الناس بتشتريها مش بس حقهم في الحضور، لكن كمان في الاستماع لصوت حي وصادق. الجمهور رايح يسمعها مش يشوفها بس، وللأسف هي ماكنتش صادقة مع جمهورها في الجزء الأول من الحفل.”
واختتم حديثه قائلًا:
“أي دفاع عن الخطأ، هو في حد ذاته خطأ أكبر.
