حبوا حبايبكم قبل فوات الأوان.. تعرف على رسالة داليا البحيري لجمهورها
وجهت الفنانة داليا البحيري رسالة خاصة إلى جمهورها من خلال منشورا عبر حسابها الشخصي بموقع التواصل الاجتماعي "فيسبوك".
كتبت داليا البحيري: “لأننا عايشين بنلهث في الدنيا مابين السعي وراء الرزق ومشاغل الحياة بننسي نعبر عن حبنا للي حوالينا خصوصا اهلنا وأصحابنا وبنفتكر نطلع الحب ده ونكتبه علي الفيسبوك أو السوشيال ميديا بعد الشخص ده ما يمشي ويسيبنا”.
أضافت : "هناك مفيش إنترنت ولا فيسبوك ولا سوشال ميديا، فالكلام ده مش بيوصلهم، الحاجة الوحيدة اللي بتوصلهم الدعاء وقراءة القرآن والصدقات، تخيل لو الشخص ده شاف وسمع الكلمتين الحلوين دول وهو عايش وبدون مناسبة مش ده هيفرق كتير معاك أنت أكتر من الشخص ده، لأنك حتحس انك قلت اللي نفسك فيه واظهرتله مشاعرك وأكيد الحب والتقدير دول حيرجعولك أضعاف".
تابعت : "كفاية جبر الخاطر دي عبادة مهمة جدا، حبوا حبايبكم قبل فوات الأوان، قررت ابدأ واعمل ده".
يذكر أن آخر أعمال الفنانة داليا البحيري، في السينما فيلم "حريم كريم ٢" من تأليف زينب عزيز وإخراج علي رجب، وشاركها في البطولة مصطفى قمر، بسمة، علا غانم، بشرى، هنا داوود، كريم كريم، تيام قمر، رنا رئيس وغيرهم.