شيرين عبدالوهاب سم وحسام حبيب مظلوم.. مروة صبري تفجر مفاجأة من العيار الثقيل
فجرت الإعلامية مروة صبري، مفاجأة للجمهور خلال تعليقها على أزمة الفنانة شيرين عبد الوهاب، والفنان حسام حبيب، التي أصبحت حديث الشارع خلال الساعات القليلة الماضية.
وقالت مروة صبري، خلال برنامج قعدة ستات: "العلاقة دي اللي تدمر فيها بنسبة مليون في المية حسام حبيب.. ناس كتير هتقول لي ازاي هو اللي دمرها؟ هو اللي خلاها تشرب المخدرات. هو اللي خلاها ما اعرفش تعمل ايه، على فكرة هو ما خلهاش تعمل اي حاجة".
واستطردت: "هو مريض زيه زيها بس هو اللي قاعد بيدفع كل الفواتير نتيجة لمرضه. نتيجة لان هو عايز يقف جنبها. نتيجة لان هو بيحبها. نتيجة لان هي مش سايباه في حاله".
وأضافت: "صدقوني الاتنين مرضى في بعض، حسام حبيب لازم يبعد عن شيرين.. ومش يبعد عن شيرين عشان هو بيضرها.. اللي بيضر شيرين هي شيرين.. خليها في الطريق اللي هي ماشية فيه براحتها.. عايزة تكمل فيه تكمل".
واستكملت: "إنت إمشي عشانك، لو لك مستقبل مكمل لو عندك نفسية تقدر تعالجها تروح لدكتور نفسي تتعالج.. روح وخلص نفسك من السم اللي اسمه شيرين عبدالوهاب".