محمد الشرنوبي: اتجوزت وطلقت بدري وأخيرا نضجت
حل الفنان محمد الشرنوبي ضيفًا على بودكاست "فايق ورايق مع إبراهيم فايق"، وشمل الحديث عن طباعه والأشياء التي يحبها والتغيرات التي طرأت عليه.
وأكد محمد الشرنوبي خلال اللقاء أن أفضل الأماكن بالنسبة له تكون في سيناء دون عن غيرها من مدن العالم.
وكشف محمد الشرنوبي عن وصوله لمرحلة كبير من النضج خاصة بعد خطوة الطلاق التي اتخذها منذ فترة، فقال: "بحس إني نضجت بدري وبدأت شغل بدري جدًا ودخلت تحديات كبيرة مع الحياة بدري واتجوزت وطلقت بدري، وعملت كل حاجة في حياتي بسرعة".
وتابع: "لما بحب أبقى رايق بحب أسافر خاصة سيناء، أكثر حتة في الدنيا بتخليني هادي ورايق وهمومي كلها بتسقط، بتروح فجأة مبتفكرش في أي حاجة، ولا تمسك موبايلك، فجأة بتحس إن الهم اللي على قلبك بيختفي دي حاجة إلهية جدا ملهاش تفسير، سافرت المالديف وحتت تانية كتير مفيش حاجة زي سيناء".
جدير بالذكر أن آخر أعمال الفنان محمد الشرنوبي أغنية استغنينا والتي تم طرحها على موقع الفيديوهات الشهير "يوتيوب"، والأغنية من كلمات وألحان عزيز الشافعي، وتوزيع موسيقي إلهامي دهمية.