رئيس مجلس الإدارة
محمود إسماعيل
رئيس التحرير
عمرو صحصاح
رئيس مجلس الإدارة
محمود إسماعيل
وشوشة
رئيس التحرير
عمرو صحصاح

نضيف وينفع يبقى حبيبي.. يسرا تكشف سر اختيارها لـ "بوسة" أحمد عز‎

يسرا
يسرا

تحدثت الفنانة يسرا خلال لقائها ببرنامج تفاعلكم، عن سر اختيارها للفنان أحمد عز ليقوم بدور حبيبها في فيلم "كلام الليل".
 

وأكدت يسرا أن المخرجة إيناس الدغيدي كانت قد اقترحت عليها ممثل لم يلق إعجابها، فقررت وقتها اختيار أحمد عز.
وأوضحت يسرا: "كان نضيف وينفع يبقى حبيبي وفرق السن بيننا مبرر إنه يسيبني في الفيلم، وبعدها خدته إيناس الدغيدي لبطولة فيلم مذكرات مراهقة".

 

ومنذ فترة صرحت المخرجة إيناس الدغيدي خلال استضافتها ببرنامج أسرار مع الإعلامية أميرة بدر عن سبب اختيارها لأحمد عز قائلة: "بقابل في اليوم 40 واحد عايزين يمثلوا، واختارت أحمد عز من كاست وكان موديل إعلانات، رفضته في الاول، عشان مكنش مناسب سنًا، عشان كان أصغر من يسرا ومش هينفع، الفيلم كان فيه بوسة، ويسرا جات قالتلي مين الراجل اللي هيبوسني، قلتلها جايبالك واحد كويس، كان فيلم كلام الليل، عشان مش عايزة تتباس من أي حد، لما شافته قالتلى هو ده اللى اخترتيه، طب انتي بصيتي على سنانه، مش هينفع أبوسه عشان سنانه كلها سودة، والمنتج كان مقتنع بـ أحمد عز عشان وسامته، وراح قال ليسرا فيه واحد كويس اوي بس إيناس شايفة أنه صغير، لما شافته قالتلى ده أنا هبوسه لكن اللي أنتى مختاراه مش هينفع، قلتلها ده صغير، قالتلي ماليش دعوة، وعمل الدور حلو جدًا، والبوسة طلعت حلوة، وبعدها راح اتعلم وجالي قالي عايز اعمل فيلم، عملت به مذكرات مراهقة، وعز تطور جدًا، ومجتهد ومركز عنده هدف".

تم نسخ الرابط