بعد اعتذاره عن إعلان تضامنًا مع فلسطين.. ويجز بين الإشادة الانتقاد
تصدر مطرب الراب ويجز، مواقع التواصل الاجتماعي ومحرك البحث جوجل، بعد هجوم الشاعر الغنائي خالد تاج الدين، وذلك بسبب تداول أخبار حول رفض ويجز تصوير إعلان لإحدى شركات المياة الغازية بمبلغ مالي كبير، تضامنا مع الشعب الفلسطيني بعد المجازر الأخيرة.
وكتب خالد تاج الدين عبر صفحته الرسمية الفيسبوك منشور ضد ويجز قائلاً: أخر تراك نجحلك كان من تلات سنين، وعملت كام واحد بعده محدش سمع عنهم حاجة، تعمل ايه بقى يا واد يا ويجز تعمل إيه آه، تعمل حملة سوشيال ميديا مدفوعة من بيدچات بتبقى واخده وتركب تريند القضية عشان ده اللي بيجيب معانا على طول أحنا شعب عاطفي وبنحب كده، مع إن محدش من الشركات دي عبرك بقالهم كتير وكلنا عارفين كده".
وأضاف: "سواء النادي الأهلي أو عمرو دياب أو غيرهم دي مؤسسات ماضيين عقود بالملايين، وفيها شروط جزائية بالملايين، لو متنفذتش في الجدول الزمني المحدد ليها، انا مش بقول متتعاطفش، أنا بقول ما تستغفلناش".
وفي الساعات الماضية تفاعل الجمهور مع ويجز بعد اعتذاره عن إعلان أحد الشركات الكبري، وأشاد العديد من رواد مواقع التواصل الاجتماعي بموقفه.