رئيس مجلس الإدارة
محمود إسماعيل
رئيس التحرير
عمرو صحصاح
رئيس مجلس الإدارة
محمود إسماعيل
وشوشة
رئيس التحرير
عمرو صحصاح

خالد تاج الدين يسخر من ويجز بعد رفضه إعلان "بيبسي"‎: عاوز يركب التريند

خالد تاج الدين و
خالد تاج الدين و ويجز

سخر الشاعر خالد تاج الدين من مؤدي الراب ويجز بعدما أعلن عن رفضه عمل إعلان لشركة بيبسي بسبب المقاطعة.
وكتب تاج الدين عبر حسابه الشخصي على موقع التواصل الاجتماعي "فيسبوك" قائلا: "آخر تراك نجحلك كان من تلات سنين وعملت كام واحد بعده محدش سمع عنهم حاجه، تعمل ايه بقى يا واد يا وينجز تعمل اييه، آه فكرة، تعمل حملة سوشيال ميديا مدفوعه من بيدچات بتبقى واخده وتركب تريند القضيه عشان ده اللي بيجيب معانا علطول احنا شعب عاطفي وبنحب كده".

وتابع: "مع أن محدش من الشركات دي عبرك بقالهم كتير وكلنا عارفين كده، زائد بقى أن سواء النادي الاهلي أو عمرو دياب أو غيرهم دي مؤسسات ماضيين عقود بالملايين وفيها شروط جزائيه بالملايين لو متنفذتش في الجدول الزمني المحدد ليها، أنا مش بقول متتعاطفش، أنا بقول متستغفلناش".

وكانت انتشرت أخبار في الساعات الماضية تفيد برفض ويجز الظهور في إعلان بيبسي الجديد 2024، والذي شارك فيه مغنون ومشاهير مصريون، بسبب تأييده المقاطعة وتنديدا للعدوان على قطاع غزة.

 

تم نسخ الرابط