"نام وهو سايق".. تفاصيل حادث جلال الزكى

انتشرت أخبار بالأمس تفيد بحادث سير أليم تعرض له الفنان جلال الزكي، أثناء سيره على طريق الواحات ودخوله في حالة حرجة بعد غيابه عن الوعي.
وكتب مدير التصوير وصديقه أسامة بركات منشور له عبر حسابه الشخصي على موقع التواصل الاجتماعي "فيسبوك"، أكد فيه سبب هذا الحادث الأليم.
وكتب "بركات": "بعد أوردر ٢٣ ساعة تصوير جلال نام وهو سايق.. جلال الفنان الكبير كمدير تصوير وكممثل له كاريزما خاصة.. عمل حادثة كبيرة.. لكن الحمدلله ربنا نجاه.. ونجي ناس أرواحهم متعلقه بحب السيستيم".
وتابع قائلا: "اللي علطول محسود من يومه بدون ذنب منه.. مش ذنبه إنه جميل مش ذنبه إنسان وطيب ومحبوب وبيحب الخير.. قوم يا حبيبي عشان تكمل في الخير اللي بتعمله..
قوم عشان تقولي هنعمل خير إيه النهارده.. عشان تقولي مفكرتنيش ليه النهارده بعمل خير نعمله.. مستنيك الصبح تكلمني.. عشان أنا كده كفاية عليا أوي.. بسم الله الشافي، بسم الله الشافي، بسم الله الشافي.. اللهم بحق جلال إسمك الشافي إشفيه وعافيه.. يا من أسميت نفسك الشافي.. أستحلفك بإسمك الذي أسميت به نفسك أن تشفي جلال شفاءً تاماً.. يارب.. يارب..يارب، دعواتكم بظهر الغيب لصاحب عمري".