باسم سليمان لـ"وشوشة": سعيد بمشاركتي في الموسم الثالث من "التياترو"

أعرب الفنان باسم سليمان عن سعادته بالمشاركة في الموسم الثالث من مسرحية «التياترو»، كاشفًا عن تفاصيل الشخصية التي يقدمها، وكواليس تعاونه للمرة الأولى مع المخرج أحمد فؤاد، ورأيه في مسرح الدولة.

وقال باسم سليمان، في تصريح خاص لـ«وشوشة»: «أنا مبسوط النهاردة إننا بنكمل السيزون التالت لمسرحية التياترو، ومعانا أساتذة كبار، ونتمنى ربنا يكملها بالخير والنجاح»، وعن تفاصيل دوره، أوضح: «بقدم شخصية فراج، مساعد سامي السمح في روزا».

وتحدث عن تعاونه مع المخرج أحمد فؤاد، قائلًا: «مبسوط إني أول مرة أشتغل مع الأستاذ أحمد فؤاد، هو من الناس اللي عينها كويسة جدًا، وبيعرف يشوف الممثل ويتعامل معاه، ويبرز نقاط القوة عنده ويخفي نقاط الضعف».

وأضاف: «هو كل يوم مع العرض بيكون معاه نوتة كبيرة، بيكتب فيها ملاحظات لكل الشخصيات، عشان العرض يبقى أقوى وأقوى».

وعن مشاركته مع الفنان أمير صلاح الدين، أعرب عن سعادته بالتعاون معه، قائلًا: «بحبه قوي، وبحب أستاذ أمير وفرقة بلاك تيما عمومًا، ومشارك معايا بشخصية جميلة جدًا ومرحة وبسيطة».

وفي سياق آخر، أشار إلى أن تجربة «مسرح مصر» شجعت الجمهور والفنانين على خوض التجربة المسرحية من جديد، موضحًا أن مسرح مصر ينتمي إلى القطاع الخاص، بينما يختلف الأمر في مسرح الدولة.

وعن أهمية مسرح الدولة، قال: «مسرح الدولة ده اللي التذكرة عندنا فيه بـ58 جنيه، وبتوصل لـ30 جنيه، هو المسرح ده اللي باقي».

وتطرق إلى مسألة الأجور، موضحًا أنها منخفضة للغاية، لكنه أكد أن العمل المسرحي يمنح الفنان حالة من الإشباع الفني، قائلًا: «الأجور هنا قليلة جدًا، بس في نفس الوقت أنت عندك تشبع، ومحتاج إنك تيجي المسرح كل يوم».

واختتم باسم سليمان حديثه بدعوة الجمهور لحضور العرض، قائلًا: «منتظرينكم كل خميس وجمعة وسبت على مسرح السلام الساعة 8، هتشوفوا نجوم كتير جدًا وهتتبسطوا قوي».