إيمي طلعت زكريا لـ"وشوشة": أنا فخورة إني بنت راجل زي ده
تحل اليوم الذكرى السنوية السابعة لرحيل الفنان طلعت زكريا، الذي رحل عن عالمنا تاركًا وراءه مسيرة فنية حافلة وأعمالًا ما زالت حاضرة في ذاكرة الجمهور، فيما تحرص أسرته على إحياء ذكراه والتعبير عن مدى افتقادها له، والتأكيد على استمرار محبته بين جمهوره رغم مرور السنوات.
وقالت الفنانة إيمي طلعت زكريا في تصريح خاص لـ"وشوشة": "أنا يمكن أكون من الأشخاص المحظوظين، إن ليهم أب سايب سيرة حلوة أوي، حتى بعد مرور سبع سنين، لغاية دلوقتي طلعت زكريا سايب بصمة وسايب علامة، ولما بتنزل أي صورة أو أي كوميكس بتطلع ترند، والناس كلها بتترحم عليه وبتتفاعل جدًا مع البوست أو الستوري اللي أنا بنزلها أنا أو عمر أخويا".
وأضافت: "فأكيد دي حاجة بتبسطني جدًا، وإن الناس بتبقى فاكرة ذكرى وفاته وذكرى ميلاده، بتبعتلي قبلها، يعني دي حاجة بجد الحمد لله أنا بحمد ربنا وبشكره عليها، إن أنا فخورة إن أنا بنت راجل زي ده، سايب سيرة طيبة وسايب سيرة حلوة، وهيفضل سايبها للأجيال وأجيال وأجيال إن شاء الله".
واختتمت إيمي طلعت زكريا حديثها برسالة مؤثرة إلى والدها الراحل، قائلة: "وأحب أقوله بجد إنت وحشتني قوي، والحياة من غيرك أكيد مش حلوة خالص".