باهر النويهي يكشف لـ"وشوشة" أصعب مشاهد "لعبة جهنم" وتفاصيل فيلمه الجديد

قال الفنان باهر النويهي، في تصريح خاص لـ«وشوشة»، تفاصيل أحد أصعب مشاهده في حكاية «لعبة جهنم» ضمن مسلسل «القصة الكاملة»، موضحًا تأثير كون الأحداث مستوحاة من واقعة حقيقية على تحضيره للمشهد.

وكشف باهر النويهي: «المشهد كان من أصعب المشاهد بالنسبة لي، خصوصًا إنك لما تعرف إن الأحداث مستوحاة من واقعة حقيقية، الموضوع بيبقى تقيل أكتر على المستوى النفسي».

وأضاف: «حاولت في التحضير إني ما أتعاملش مع المشهد باعتباره مجرد مشهد تمثيل، لكن أفهم الحالة النفسية للضابط في اللحظة دي، وإيه اللي ممكن يحس بيه وهو بيواجه حاجة بالشكل ده».

وعلى جانب آخر، كشف باهر النويهي عن انتهائه من فيلم جديد يحمل اسم «The Noise»، موضحًا أنه نفذه بالكامل باستخدام تقنيات الذكاء الاصطناعي.

وقال: «لسه مخلص فيلم أنا عامله كاملًا بالـAI، The Noise، وهو فيلم شبه أفلام Limitless وSelfless وMatrix».

وتابع: «فيلم كله حقيقي، ولكن حاجة واحدة فيه اللي مش حقيقية ولكن تبدو في العالم حقيقي، وهو بيناقش حاجة مهمة جدًا نفسيّة بتحصل معانا كلنا».

واختتم: «وإن شاء الله هنشوفه في المهرجانات».